ليسسابونداعى فورۋم اياسىندا نۇر-سۇلتان قالاسىنىڭ اكىمى باقىت سۇلتانوۆ پەن UNWTO-نىڭباس حاتشىسى زۋراب پولوليكاشۆيلي «اقىلدى قالالار, اقىلدى باعىتتار» تاقىرىبىندا UNWTO-نىڭقالالىق تۋريزم بويىنشا 8-ءشى جاhاندىق ءسامميتىن وتكىزۋ جونىندەگى كەلىسىمگە قول قويدى.
سامميتتە, سونداي-اق كونگرەسستەر مەن كونفەرەنتسيالاردىڭ حالىقارالىق قاۋىمداستىعىنىڭ (ICCA) ۇيىمداستىرۋىمەن ىسكەرلىك تۋريزم يندۋسترياسى (MICE) بويىنشا شەبەرلىك سىنىبى وتكىزىلەتىن بولادى.
UNWTO-نىڭجاhاندىق ءسامميتىن وتكىزۋ – قالانى ورتالىق ازيانىڭ جاڭا تۋريزم ورتالىعى رەتىندە پاش ەتۋ, قالانى دامىتۋداعى جاڭا باعىتتاردى كورسەتۋ, ءىرى حالىقارالىق قاۋىمداستىقتار جانە كومپانيالارمەن ىنتىماقتاستىقتى نىعايتۋدىڭ زور مۇمكىندىگى.
ناتيجەسىندە قوناق ۇيلەر كليەنتتەرىنىڭ سانى, كادەسىي ونىمدەرىنە دەگەن سۇرانىس, ءدامحانا مەن مەيرامحانالارعا كەلۋشىلەردىڭ سانى ارتادى دەپ كۇتىلۋدە. وسىلايشا, فورۋمدى وتكىزۋ حالىقارالىق ىسكەرلىك جانە وقيعالى ءىس-شارالاردى كوبىرەك ۇيىمداستىرۋعا, تۋريستەر اعىنىن ارتتىرۋعا مۇمكىندىك بەرەدى.
بۇدان باسقا, جاھاندىق سامميت نۇر-سۇلتانعا تۋريزم سالاسىنداعى جەتەكشى ساراپشىلاردى تارتىپ, بارلىق سەكتورلاردىڭ مەملەكەتتىك جانە جەكە سەرىكتەستەرىن بىرىكتىرەدى, ءارى قالالىق ءتۋريزمدى دامىتۋدىڭ جاڭا پاراديگماسىندا نەگىزگى ءرول اتقارادى. وندا تۋريزم الەۋمەتتىك جۇمىلۋ مەن مادەنيەتتى ساقتاۋ قۇرالىنا اينالىپ, ەكونوميكانى دامىتۋعا سەپتىگىن تيگىزەدى.
ءسامميتتى ۇيىمداستىرۋ مەن وتكىزۋگە جۇمسالاتىن قاراجات قابىلداۋشى قالانىڭ از كولەمدەگى شىعىندارىن ەسەپتەمەگەندە, سامميت باستاماشىسىنىڭ قۇزىرىندا.
ليسسابوندا وتكەن UNWTO-عا مۇشە ەلدەر قالالارىنىڭ باسشىلارى مەن تۋريزم مينيسترلەرىنىڭ فورۋمىندا باقىت سۇلتانوۆ ءوزىنىڭ العى سوزىندە نۇر-سۇلتان قالاسى حالىقارالىق دەڭگەيدەگى ءىس-شارالاردى وتكىزۋگە ارنالعان بارلىق قاجەتتى ينفراقۇرىلىمعا يە ەكەنىن اتاپ ءوتتى.
«سەۋل, كۋالا-لۋمپۋر, بارسەلونا, ماسكەۋ, ىستامبۇل سىندى تاماشا قالالاردان وسىنداي ماڭىزدى ءسامميتتىڭ ەستافەتاسىن قابىلداۋ جانە نۇر-سۇلتان قالاسىندا وسىنداي ايتۋلى ءىس-شارانى ۇيىمداستىرۋ ءبىز ءۇشىن ۇلكەن قۇرمەت.
وتكەن جىلى ەلوردامىزدىڭ 20 جىلدىعى اتالىپ ءوتتى. قالا حالقى 3 ەسەگە ءوسىپ, ەلوردامىز 100-گە جۋىق ۇلت وكىلدەرىنىڭ ورتاق شاڭىراعىنا اينالدى. نۇر-سۇلتان – يۋنەسكو-نىڭ «الەم قالاسى» سىيلىعىنىڭ يەگەرى. وسىنىڭ بارلىعى قر تۇڭعىش پرەزيدەنتى – نۇرسۇلتان ءابىش ۇلى نازارباەۆتىڭ جان-جاقتى قولداۋىنىڭ ارقاسىندا مۇمكىن بولدى. نۇرسۇلتان نازارباەۆتىڭ قازاقستان مەن ءبىزدىڭ قالامىزدىڭ دامۋىنا قوسقان وراسان زور ەڭبەگى ەسكەرىلە كەلە, ەلىمىزدىڭ ەلورداسى ونىڭ ەسىمىمەن اتالىپ, نۇر-سۇلتان قالاسى بولىپ وزگەرتىلدى», – دەدى سۇلتانوۆ.
«نۇر-سۇلتان – بۇگىنگى تاڭدا الەمنىڭ ەڭ جاس جانە قارقىندى دامىپ كەلە جاتقان استانالارىنىڭ ءبىرى. ول ءوزىنىڭ قايتالانباس ساۋلەتى جانە بىرەگەيلىگىمەن, زاماناۋي ينفراقۇرىلىمى بار نىساندارىمەن ورتالىق ازيانىڭ ىسكەرلىك ءارى وقيعالى حابىنا اينالدى», – دەگەن باقىت سۇلتانوۆ استانانىڭ قوناق ءۇي قورىنىڭ 20 جىل ىشىندە 80 ەسەگە ارتقاندىعىن تىلگە تيەك ەتتى.
«ەگەر 20 جىل بۇرىن 3 قوناق ءۇي بولسا, قازىر ولاردىڭ سانى 231-گە جەتتى. ونىڭ ىشىندە تانىمال, الەمدىك جەلىلەردىڭ دە نىساندارى بار», – دەدى اكىم.
ءوز كەزەگىندە UNWTO-نىڭباس حاتشىسى زۋراب پولوليكاشۆيلي ءتۋريزمنىڭ قالا بولاشاعىنىڭ اجىراماس بولىگى ەكەندىگىن ايتتى.
«قازىر دە, بولاشاقتا دا قالا ءتۋريزمى ءوز ماڭىزدىلىعىن جويمايدى. ءتۋريزمدى قالالاردىڭ تۇراقتى بولاشاعىنىڭ اجىراماس بولىگى رەتىندە قالىپتاستىرۋ ماقساتىندا ۇلكەن مۇمكىندىكتەر ۇسىنا وتىرىپ, قالالىق تۋريزم بويىنشا UNWTO-نىڭ VIII جاھاندىق ءسامميتىنىڭ نۇر-سۇلتان قالاسىندا وتەتىندىگىنە قۋانىشتى ەكەنىمىزدى ايتقىم كەلەدى», – دەدى UNWTO-نىڭباس حاتشىسى زۋراب پولوليكاشۆيلي.
فورۋم اياسىندا تۇراقتى قالالىق تۋريزم بويىنشا ليسسابون دەكلاراتسياسى قابىلداندى.
UNWTO – دۇنيەجۇزىلىك تۋريستىك ۇيىم, بۇۇ جۇيەسىنىڭ مەكەمەسى. ونىڭ قۇرامىنا 158 ەل, 6 قاۋىمداستىرىلعان جانە 500-دەن استام اففيليرلەنگەن مۇشە ەنگەن. ۇيىم قىزمەتىنىڭ نەگىزگى ماقساتى – تۋريزم سالاسىنىڭ جالپىعا قولجەتىمدى جانە تۇراقتى دامۋىن قامتاماسىز ەتۋ. شتاب-پاتەرى يسپانيانىڭ مادريد قالاسىندا ورنالاسقان.