جۇمىس توبىنىڭ قۇرامىنا ەڭبەك جانە حالىقتى الەۋمەتتىك قورعاۋ ءمينيسترى ب. ساپارباەۆ, ءبىلىم جانە عىلىم ءمينيسترى ك. ءشامشيدينوۆا, دەنساۋلىق ساقتاۋ ءمينيسترى ە. ءبىرتانوۆ, قۇرىلىس جانە تۇرعىن-كوممۋنالدىق شارۋاشىلىعى ىستەرى كوميتەتىنىڭ توراعاسى م. جايىمبەتوۆ, Nur Otan پارتياسىنىڭ حاتشىسى ف. قۋانعانوۆ كىردى.
وڭىردەگى جۇمىس ساپارى ەكىباستۇز قالاسىنىڭ ونەركاسىپتىك جانە الەۋمەتتىك وبەكتىلەرىن ارالاۋمەن باستالدى.
پرەمەر-ءمينيستردىڭ ورىنباسارى ەڭبەك جانە حالىقتى الەۋمەتتىك قورعاۋ مينيسترىمەن «ب. نۇرجانوۆ اتىنداعى ەكىباستۇز 1-ماەس» جشس بازاسىندا قالا جانە اۋدان اكىمدەرىمەن, كاسىپورىن, بيزنەس-قۇرىلىم جانە كاسىبي وداق باسشىلارىمەن كەزدەسۋ وتكىزدى.
«ءار كومپانياعا الەۋمەتتىك جاۋاپتى بولۋعا, ءوز جۇمىسكەرلەرىنىڭ الەۋمەتتىك جانە تۇرعىن ءۇي ماسەلەلەرىن شەشۋ بويىنشا شارالار قولدانۋعا, اكىمدىكتەرگە الەۋمەتتىك-ەڭبەك سالاسىن دامىتۋعا كومەكتەسۋگە ۇمتىلۋ قاجەت. سوندىقتان بۇل جۇمىستى جۇيەلى جالعاستىرۋ كەرەك», — دەدى ۆيتسە-پرەمەر.
بۇدان ءارى ولار جىلىنا 10 ملن راۋشان گ ۇلى مەن 4 مىڭ توننا قىزاناق وسىرەتىن «GreenHouse KZ» جشس جىلىجاي كەشەنىن ارالادى. كاسىپورىندا شامامەن 200 ادام جۇمىس ىستەيدى, ورتاشا ەڭبەك اقى 120 مىڭ تەڭگەنى قۇرايدى. وسى جىلى از قامتىلعان حالىق توپتارىنان اسىرەسە ايەلدەردى قابىلداۋ ءۇشىن جاڭا 300 جۇمىس ورنىن قۇرۋ جوسپارلانۋدا.
سودان سوڭ, گ. ابدىقالىقوۆا مەن ب. ساپارباەۆ ەلباسىنىڭ باستاماسى «7-20-25» باعدارلاماسى بويىنشا پاتەر العان تەمىر ۇستاسى ن. كەنجەباەۆ پەن ستانوك وپەراتورى ق. نۇركەەۆتىڭ وتباسىلارىنا باردى. باسپاناعا باستاپقى جارنانى ولار جۇمىس ىستەيتىن كاسىپورىن تولەدى.
ۆيتسە-پرەمەر مەن ەڭبەك جانە حالىقتى الەۋمەتتىك قورعاۋ مينيسترى قۇرىلىسى ءجۇرىپ جاتقان وتىن-ەنەرگيا سالالارى ءۇشىن كادرلاردى دايىنداۋ مەن قايتا دايىنداۋدىڭ وڭىرارالىق ورتالىعىندا «قاينار» ءبىلىم بەرۋ جانە دەمالىس كەشەنى قىزمەتىمەن تانىستى جانە جاستارمەن كەزدەستى.
كەزدەسۋدە اۋىلدان كەلگەن جاس كاسىپكەر ع. الدىبەكوۆ ءوز جوسپارلارىمەن ءبولىستى. ءوز بيزنەسىن ول 2,5 ملن تەڭگە سوماسىندا جەڭىلدىك نەسيەمەن «دامۋ» قورى بويىنشا باستادى. قازىرگى كۇنى ونىڭ شارۋاشىلىعىندا 100 جىلقى, 77 ءىرى قارا مال, 120 قوي بار. ع. الدىبەكوۆ ءوز قۇرداستارىنا اۋىلعا كەلىپ, مال جانە وسىمدىك شارۋاشىلىعىمەن اينالىسۋعا شاقىردى, بۇل ءۇشىن مەملەكەتتىڭ بارلىق جاعداي جاساعانىن اتاپ ايتتى.
وسى كۇنى جۇمىس توبىنىڭ وزگە مۇشەلەرى پاۆلودار وبلىسىنىڭ اۋداندارىنا باردى. ءبىلىم جانە عىلىم ءمينيسترى ك. ءشامشيدينوۆا – تەرەڭكول اۋدانىنا, دەنساۋلىق ساقتاۋ ءمينيسترى ە. ءبىرتانوۆ –ماي اۋدانىنا, قۇرىلىس جانە تۇرعىن-كوممۋنالدىق شارشۋاشىلىعى ىستەرى كوميتەتىنىڭ توراعاسى م. جايىمبەتوۆ – پاۆلودار جانە اقسۋ قالالارىنا, Nur Otan پارتياسىنىڭ حاتشىسى ف. قۋانعانوۆ – اقتوعاي اۋدانىنا باردى.
جۇمىس توبىنىڭ مۇشەلەرى اۋىل پەداگوگتارمەن, دەنساۋلىق ساقتاۋ قىزمەتكەرلەرىمەن كەزدەستى, دەنساۋلىق ساقتاۋ, ءبىلىم بەرۋ نىساندارىن جانە مەكەمەلەردى, قۇرىلىس الاڭدارىن ارالاپ, حالىقپەن جەكە قابىلداۋ وتكىزدى.