بۇگىن قر اۋىل شارۋاشىلىعى ءمينيسترى ساپارحان وماروۆ ەڭ ءىرى امەريكاندىق كومپانيالار «Tyson Foods, Inc.» - تاماق ونەركاسىبىندە جۇمىس ىستەيتىن ترانسۇلتىق كورپوراتسياسىمەن, «Valmont Industries, Inc.» - مەحانيكالىق سۋارۋ ماشينالارىن جاساۋشى جانە ديستريبيۋتورى, «AGCO» - اۋىل شارۋاشىلىعى سالاسىنداعى كوشباسشى جانە اگرونوميا جانە ۆەتەريناريا سالاسىنداعى اگرارلىق عىلىمدى, ءبىلىم بەرۋدى جانە زەرتتەۋدى دامىتۋعا ماماندانعان «AgroParisTech», «Agreenium» فرانتسۋزدىق كومپانيا باسشىلارىمەن كەزدەستى.
كەزدەسۋ بارىسىندا ۆەدومستۆو باسشىسى شەتەلدىك ينۆەستورلارعا رەسپۋبليكا ەكونوميكاسىنىڭ جاڭا درايۆەرى - اگروونەركاسىپتىك سەكتورىن دامىتۋدىڭ مەملەكەتتىك باعدارلاماسىن تانىستىردى.
الەم بويىنشا ەت ەكسپورتتاۋشى «Tyson Foods» ترانسۇلتتىق كورپوراتسياسىنا مينيستر قازاقستانداعى ەت سالاسىن دامىتۋ باعدارلاماسىن جانە قازاقستاندىق ەت ونىمدەرىن سىرتقى نارىقتارعا جەتكىزۋ جوسپارلارىمەن تانىستىرىپ جانە قازاقستاندىق ەتتىڭ ەكسپورتتىق الەۋەتىن دامىتۋدى ءتۇسىندىردى. كورپوراتسيا وكىلدەرى سوڭعى جىلدارى مينيسترلىكتىڭ اۋىل شارۋاشىلىعى ونىمدەرىنە جاڭا نارىقتاردى قىتاي, يران جانە پارسى شىعاناعى ەلدەرىنە اشۋ ءۇشىن جاساعان جۇمىستارىن جوعارى باعالادى. ولار قازاقستاننىڭ حالىقارالىق ەپيزوتيالىق بيۋروسىنان اۋسىلدان جانە شوشقانىڭ افريكالىق وباسىنان جانە دە باسقا جانۋارلار اۋرۋىنان رەسمي تازا ايماق دارەجەسىن الۋى مال شارۋاشىلىعى ونىمدەرىنىڭ حالىقارالىق ساۋداسىنا قول جەتىمدىلىكتى قامتاماسىز ەتۋدىڭ نەگىزى بولىپ تابىلاتىنىن اتاپ ءوتتى.
ەلباسىنىڭ الداعى 10 جىلدا سۋارمالى جەر ۋچاسكەلەرىن 2 ملن. گەكتارعا دەيىن كەڭەيتۋ تۋرالى تاپسىرماسىن ورىنداۋ بويىنشا مينيسترلىكتىڭ جوسپارى «Valmont» كومپانياسىن قىزىقتىردى. ينۆەستورلار قازاقستاندا جىلىنا مىڭعا جۋىق بۇرىككىش ماشينا شىعاراتىن زاۋىت سالۋعا دايىن. جوبا ەكى جىل ارالىعىندا جۇزەگە اسىرىلادى دەپ جوسپارلانىپ وتىر. سونىمەن قاتار, «Valmont» اقمولا وبلىسىندا دەمونستراتسيالىق فەرما سالۋعا نيەتتى, وندا اۋىل شارۋاشىلىعى سالاسىنداعى سوڭعى امەريكاندىق تەحنولوگيا جەتىستىكتەرى ەنگىزىلەتىن بولادى. ول اۋىل شارۋاشىلىعى بويىنشا سەرىكتەستەر مەن قازاقستاندىق ستۋدەنتتەر ءۇشىن ماڭىزدى وقۋ ورتالىعىنا اينالادى.
«AGCO» شوشقا ءوسىرۋ كەشەنىن, جەمشوپ زاۋىتىن, فورەلدى بالىق ءوسىرۋ كاسىپورنىن قۇرۋعا قىزىعۋشىلىق تانىتتى.
فرانتسۋزدىق «AgroParisTech», «Agreenium» سەرىكتەستەرىمەن توپىراقتانۋ, وسىمدىكتەردى قورعاۋ جانە مال شارۋاشىلىعى ءۇش باعىتى بويىنشا ماگيستراتۋرانىڭ جاڭا ءبىلىم بەرۋ باعدارلامالارى, سونداي-اق الداعى بەس جىلدا ەكى ديپلومدىق ماگيسترلىك باعدارلامالارىن جۇزەگە اسىرۋ تۋرالى ۇزاق مەرزىمدى كەلىسىم جاساسۋدى تالقىلادى. بۇل س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ اۋىل شارۋاشىلىعى ماماندىقتارى بويىنشا ماماندار دايارلاۋ دەڭگەيىن ارتتىرۋعا, حالىقارالىق دەڭگەيدە عىلىمي زەرتتەۋلەردى جۇزەگە اسىرۋدى قامتاماسىز ەتۋگە مۇمكىندىك بەرەدى.