«Tyson Foods» امەريكاندىق ترانسۇلتتىق كورپوراتسياسى - «JBS SA» كومپانياسىنان كەيىن تاۋىق, سيىر جانە ت.ب. ەتتى قايتا وڭدەۋشى جانە ديستريبيۋتور بولا وتىرىپ, جىل سايىن اقش-تان سيىر ەتىنىڭ ەڭ ۇلكەن پايىزىن ەكسپورتتايدى. كومپانيا سونداي-اق كوپتەگەن ۇلتتىق مەيرامحانالار جەلىلەرى, سونىڭ ىشىندە جىلدام قىزمەت كورسەتۋ مەيرامحانالارى, كۇندەلىكتى, ورتا جانە جوعارى ءاسۇي مەيرامحانالارى ءۇشىن جەتەكشى ەت جەتكىزۋشى پوزيتسياسىنا يە.
«Valmont Industries, Inc.» اۋىل شارۋاشىلىعى ونىمدەرىنىڭ ينفراقۇرىلىمى مەن نارىقتارىن قۇرۋ بويىنشا قىزمەتتەر كورسەتۋ مەن ونىمدەردى وندىرۋگە ماماندانعان. كومپانيانىڭ ءتورت نەگىزگى بيزنەس-سەگمەنتىن اتاپ وتۋگە بولادى, اتاپ ايتقاندا قولداۋدىڭ ينجەنەرلىك قۇرىلىمدارى, جابىندار, يرريگاتسيالىق جانە كوممۋنالدىق قۇرىلىستار. كاسىپورىن 23 ەلدە 6 قۇرلىقتا ورنالاسقان 80-نەن استام ءتۇرلى وندىرىستە ءونىم شىعارادى.
«AGCO» كورپوراتسياسى - اۋىل شارۋاشىلىعى جابدىقتارىنىڭ الەمدىك جەتەكشى ءوندىرۋشىسى, الەمنىڭ 140 ەلىندە 3,100-دەن استام تاۋەلسىز ديلەر مەن ديستريبيۋتورلار ارقىلى تاراتىلاتىن تراكتورلار, كومبايندار, شابىندىقتار, بۇرىككىشتەر, جەمشوپ دايىنداۋ جانە توپىراق وڭدەۋ جابدىقتارىنىڭ تولىق اسسورتيمەنتىن ۇسىنادى.
امەريكاندىق بيزنەسمەندەرگە قازاقستاننىڭ ينۆەستيتسيالىق كليماتىنىڭ دامۋى, رەسپۋبليكانىڭ اگروونەركاسىپتىك كەشەنىنىڭ جەتىستىكتەرى مەن الەۋەتى تۋرالى اقپارات ۇسىنىلدى.
ءوز كەزەگىندە «Tyson Fresh Meats», «Valmont Irrigation» جانە «Global Beef Investors» وكىلدەرى اقمولا وبلىسىنداعى ەتتى ءوندىرۋ جانە قايتا وڭدەۋ, يرريگاتسيالىق جۇيەلەردى جانە باسقا دا وبەكتىلەردى سالۋ سالاسىنداعى كەشەندى جوبالاردى ىسكە اسىرۋعا قىزىعۋشىلىق تانىتۋدا.