بۇل تۋرالى شىمكەنت قالاسى اكىمىنىڭ ورىنباسارى دانات جۇمين مەن انتالياداعى تۋريزم اكادەمياسىنىڭ رەكتورى زافەر بيككەنوگلۋمەن بولعان كەزدەسۋ بارىسىندا ايتىلدى.
قوس تاراپ كەزدەسۋ بارىسىندا وسى سالاداعى ءوزارا ءتيىمدى ىنتىماقتاستىقتى دامىتۋ ماسەلەلەرىن تالقىلادى. ءارى, ءۇشىنشى مەگاپوليستىڭ تۋريزم سالاسى مەن قىزمەت كورسەتۋ ساپاسىن دامىتۋ ءۇشىن جوعارى وقۋ ورىندارىنداعى تۋريزم ماماندىعىنداعى ستۋدەنتتەر بىلىكتىلىگىن ارتتىرۋعا كەلىستى.
تۋريزم ۇلتتىق ەكونوميكانى دامىتۋدىڭ جاڭا درايۆەرىنە اينالۋى ءتيىس ەكەنىن ايتقان قالا اكىمىنىڭ ورىنباسارى شىمكەنتتە ءتۋريزمدى دامىتۋ ءۇشىن جاقسى كليماتتىق شارت-جاعداي مەن ساپالى قىزمەت كورسەتۋ مۇمكىندىكتەرى بار ەكەندىگىنە توقتالدى.
تاراپتار بيىلعى جىلدىڭ مامىر ايىندا شىمكەنتتە تۋريزم جانە شاعىن بيزنەس, قوناق ۇيلەر, مەيرامحانالار مەن قىزمەت كورسەتۋ قۇرىلىمدارىنىڭ وكىلدەرى ءۇشىن بىرلەسكەن سەمينارلار مەن ماستەر كلاستار وتكىزۋ تۋرالى ءوزارا كەلىسىمگە كەلدى.