دەپۋتاتتار تاراپىنان قولداۋ تاپقان زاڭ جوبالارىنىڭ ىشىندە «كاسپي تەڭىزىندە توسىن وقيعالاردى بولعىزباۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى بار.
كەلىسىم ازەربايدجان, يران, قازاقستان مەن رەسەي جانە تۇرىكمەنستان مەملكەتتەرىنىڭ قارۋلى كۇشتەرىنىڭ اسكەري كورابلدەرىنىڭ كاسپي تەڭىزىندە ءجۇزۋى مەن اۋە كەمەلەرىنىڭ ۇشۋى قاۋىپسىزدىگىن قامتاماسىز ەتۋگە باعىتتالعان.
سونداي-اق, كەلىسىم تاراپتاردىڭ كاسپي تەڭىزىندە, اۋماقتىق سۋلاردان جانە ونىڭ اۋە كەڭەستىگىنەن تىس ارەكەت ەتەتىن اسكەري كورابلدەرى مەن اۋە كەمەلەرىنە قولدانىلاتىن بولادى.
تاراپتاردىڭ اسكەري كورابلدەرى جانە اسكەري كورابلدەرىنىڭ توپتارى سۋاستى كابەلدەرى مەن قۇبىرجولدارىنىڭ تراسسالارى وتەتىن, سونداي-اق جاساندى ارالدار, قوندىرعىلار, قۇرىلىستار ورنالاسقان اۋدانداردا وسى وبەكتىلەرگە جانە ولاردىڭ قىزمەتىنە قاتەر توندىرەتىن كەز كەلگەن ءىس-قيمىلداردان تارتىنۋى كەرەك.
جالپى وتىرىس بارىسىندا ءماجىلىس قازاقستان مەن رەسەي اراسىنداعى اسكەري ماقساتتاعى ءونىمدى پايدالانۋدى باقىلاۋ تۋرالى كەلىسىمدى ماقۇلدادى.
2017 جىلعى 29 قاراشادا ماسكەۋدە جاسالعان بۇل كەلىسىمگە سايكەس شارت شەڭبەرىندە اسكەري ماقساتتاعى ءونىمدى بەرۋشى تاراپ ونىڭ بولۋىن جانە نىسانالى پايدالانىلۋىن باقىلاۋدى جۇزەگە اسىرۋعا قۇقىلى, ال وزىنە اسكەري ماقساتتاعى ءونىم بەرىلەتىن تاراپ ءونىم بەرۋشى تاراپتىڭ باقىلاۋدى جۇزەگە اسىرۋى ءۇشىن قاجەتتى جاعدايلار ۇسىنادى.
كەلىسىمگە سايكەس ءونىم بەرۋشى تاراپ وكىلدەرىنىڭ شارت شەڭبەرىندە جاسالعان كەلىسىمشارتتار بويىنشا بەرىلەتىن اسكەري ماقساتتاعى ءونىمدى ەسەپتەن شىعارۋ, جويۋ (كادەگە جاراتۋ) كەزىندە قاتىسۋعا قۇقىعى بار.
جالپى وتىرىس سوڭىندا حالىق قالاۋلىلارى ورتالىق مەملەكەتتىك اتقارۋشى ورگانداردىڭ باسشىلارىنا بىرنەشە دەپۋتاتتىق ساۋال جولدادى. ولار ز. امانجولوۆا, ج. احمەتبەكوۆ, د. ەسپاەۆا, ا. پەرۋاشەۆ, ن. ميكاەليان, ش. حاحازوۆ.