2016 جىلى 11 ساۋىردە قوستاناي قالاسىنىڭ بۇرىنعى اكىمى احمەتبەك احمەتجانوۆ مامانداندىرىلعان اۋدانارالىق سوتىنىڭ ۇكىمىمەن مەملەكەتتىك قىزمەتتە لاۋازىمدىق قىزمەت اتقارۋ قۇقىنان ءومىر بويى ايىرىلىپ, 13 جىلعا سوتتالعان بولاتىن. 2019 جىلى 05 اقپاندا №2 قوستاناي قالالىق سوتى سوتتالۋشى احمەتبەكوۆتىڭ ءالى وتەلمەگەن ۋاقىتىن جازانىڭ جۇمساق ءتۇرى ايىپپۇلمەن وتەۋ تۋرالى ءوتىنىشىن قاناعاتتاندىرعان جوق.
سوتتىڭ بۇل قاۋلىسىمەن كەلىسپەگەن سوتتالۋشى مەن ونىڭ ادۆوكاتى وسى قاۋلىنىڭ كۇشىن جويۋدى سۇراپ, جاڭا قاۋلى شىعارۋعا تاعى دا ءوتىنىش جازدى.
2019 جىلدىڭ 01 ساۋىرىندە قوستاناي وبلىستىق سوتىنىڭ قىلمىستىق ىستەر جونىندەگى سۋديالار القاسى سوتتىڭ ءبىرىنشى ساتىسىنداعى قاۋلىنىڭ كۇشىن جويۋعا قاۋلى شىعاردى. وندا قر قك 72-بابىنىڭ 1-بولىمىندەگى ەكىنشى ازات جولدىڭ نەگىزىندە سوتتالۋشى ا.احمەتجانوۆتىڭ جانە ونىڭ ادۆوكاتىنىڭ مەرزىمىنەن بۇرىن-شارتتى بوساتۋ جونىندەگى ءوتىنىشى قاناعاتتاندىرىلعانى ايتىلعان.