بۇدان بۇرىن ءمالىم بولعانىنداي, ەلىمىزدىڭ باس سانيتار دارىگەرى جانداربەك بەكشين 37 توننا قاۋىپتى ازىق-ت ۇلىكتەردىڭ جويىلعاندىعى جايىندا مالىمدەگەن بولاتىن. تەكسەرىس ناتيجەسىندە 1,5 ملن تەڭگەگە ايىپپۇل سالىنىپ, زاڭ بۇزۋشىلىقتى جويۋعا بايلانىستى 62 ەسكەرتۋ جاسالعان ءارى 249 جوسپارسىز تەكسەرۋلەر جۇرگىزىلگەن.
اتالعان كوميتەت مالىمەتتەرى بويىنشا, وتكەن جىلدىڭ اعىمداعى كەزەڭىندەگىدەي تەحنيكالىق رەگلامەنتتەر بويىنشا وندىرۋشىلەردىڭ تاڭبالاۋ ەرەجەلەرىن بۇزۋى - 74,4 پايىز, قاۋىپسىزدىك تالاپتارىنا سايكەس كەلمەۋ - 12,1 پايىز, سونداي-اق مالىمدەلگەن نەمەسە فيزيكالىق-حيميالىق كورسەتكىشتەرگە سايكەس كەلمەۋى بويىنشا - 13,5 پايىز دەرەكتەر انىقتالعان. ال تەحنيكالىق رەگلامەنتتەرگە سايكەس كەلمەيتىن تاعامدار تىزىمىندەگى ازىق-ت ۇلىكتەر قاتارىندا ەت ونىمدەرى – 18,1, قۇس ەتى – 12,8, بالىق – 10,2, ماي ءونىمى – 2,8, ءسۇت ونىمدەرى – 11,1, كونديتەرلىك ونىمدەر – 13,7, اسپازدىق ونىمدەر -3,4, نان ونىمدەرى - 1,3, ۇن جانە ۇن تارتۋ ونىمدەرى – 5,8, كوكونىستەر مەن جەمىستەر – 8,5, كونسەرۆىلەنگەن ونىمدەر – 6,0, شىرىن ونىمدەرى – 2,2, الكوگولدى سۋسىندار - 1,2, ببق - 0,5 جانە ت.ب. اتاۋلار بار.
انىقتالعان دەرەكتەر بويىنشا كاسىپكەرلىك نىساندار ءتۇسىندىرۋ جۇمىستارى جۇرگىزىلىپ, ولقىلىقتاردى جويۋ تۋرالى 334 نۇسقاما بەرىلگەن. جوسپاردان تىس تەكسەرۋ ناتيجەلەرى بويىنشا اكىمشىلىك قۇقىق بۇزۋشىلىق تۋرالى 130 ءىس قوزعالىپ, 9 ملن. تەڭگەدەن استام ايىپپۇل سالىنعان. سايكەس كەلمەيتىن 1,5 توننادان استام ءونىم ساتىلىمنان الىندى.