ءساۋىر ايىنىڭ العاشقى كۇنىنەن باستاپ بيزنەس سالاسىندا باقىلاۋ-كاسسالارى ونلاين جۇيەگە وتۋگە ءتيىس. قر قارجى ءمينيسترىنىڭ بۇيىرىعىنا وراي 2019 جىلى سالىق تولەۋشىلەر اقشالاي ەسەپ ايىرىسۋلار كەزىندە دەرەكتەردى تىركەۋ جانە (نەمەسە) بەرۋ فۋنكتسياسى بار باقىلاۋ-كاسسا ماشينالارىنىڭ قىزمەت تۇرلەرىن قولدانۋدى تولىقتاي جۇزەگە اسىراتىن بولادى. سالىق تولەۋشىلەر بارلىعى 633 قىزمەت تۇرىنە, ونىڭ ىشىندە اعىمداعى جىلدىڭ 1 ساۋىرىنەن باستاپ 323 قىزمەت تۇرىنە; 1 شىلدەدەن باستاپ 86 قىزمەت تۇرىنە, 1 قازاننان باستاپ 224 قىزمەت ءتۇرى بويىنشا باقىلاۋ-كاسسالارى ونلاين جۇيەگە كوشەدى.
ونلاين-بكم قولدانۋ بويىنشا تالاپ, قىزمەتى ورتاق پايدالانىلاتىن تەلەكوممۋنيكاتسيالار جەلiسi جوق جەرلەردە قىزمەتىن جۇزەگە اسىراتىن سالىق تولەۋشىلەرگە قولدانىلمايدى. سالىق كودەكسىنىڭ 166-بابىنا سايكەس بكم قولدانۋ ءتارتىبى رەتتەلگەن. قر سالىق كودەكسىنىڭ 166-بابىنىڭ 1-تارماعىنا سايكەس, رەسپۋبليكا اۋماعىندا اقشالاي ەسەپ ايىرىسۋلار باقىلاۋ-كاسسا ماشينالارىن مiندەتتi تۇردە قولدانىلا وتىرىپ جۇرگiزiلەدى.
سالىق تولەۋشىلەر ءتيىستى اقپاراتتارمەن www. pvl.kgd.gov.kz سايتى ارقىلى تانىسا الادى.