«ەلباسىمىزدىڭ 2018 جىلعى 5 قازانداعى جولداۋىن ىسكە اسىرۋ ماقساتىندا مينيسترلىك قازاقستان رەسپۋبليكاسىندا العاشقى مەديتسينالىق كومەكتى دامىتۋدىڭ 2019-2020 جىلدارعا ارنالعان ءىس-شارالار جوسپارىن بەكىتتى», دەدى ەلجان ءبىرتانوۆ.
بىرىنشىدەن, قولجەتىمدىلىكتى ارتتىرۋ ماقساتىندا العاشقى مەديتسينالىق كومەك دارىگەرىنىڭ جۇكتەمەسىن تومەندەتۋ جانە 1 وبەكتىگە كەلەتىن ۋچاسكەلەر سانىن 20-دان 10-عا دەيىن ازايتۋ جوسپارلانىپ وتىر. ەكىنشىدەن, العاشقى مەديتسينالىق كومەك ساپاسىن جاقسارتۋ ماقساتىندا سوزىلمالى اۋرۋلاردى باسقارۋ باعدارلاماسىن كەڭەيتۋ جانە ۋچاسكەلىك قىزمەتكەرلەردىڭ جالاقىسىن كەزەڭ-كەزەڭمەن 20%-عا دەيىن ۇلعايتۋ جوسپارلانۋدا. مەملەكەت باسشىسىنىڭ تاپسىرماسىنا سايكەس 2019 جىلدىڭ 1 ماۋسىمىنان باستاپ جالاقىسى تومەن مەديتسينالىق قىزمەتكەرلەردىڭ تولەماقىسى 30 پايىزعا ارتادى. ۇشىنشىدەن, بارلىق العاشقى مەديتسينا ۇيىمدارىندا اقپاراتتىق جۇيە ەنگىزىلىپ جانە ازاماتتاردىڭ ەلەكتروندىق دەنساۋلىق پاسپورتتارى جاسالادى, دەدى مينيستر بايانداماسىندا.