«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ كودەكسىنە سايكەس مەديتسينالىق-سانيتاريالىق العاشقى كومەكتىڭ نەگىزگى فۋنكتسيالارىنا:
پروفيلاكتيكا جانە ساۋىقتىرۋ; اۋرۋلاردىڭ دياگنوستيكاسى جانە ەمدەۋ; سوزىلمالى اۋرۋلارى بار پاتسيەنتتەردى ديناميكالىق باقىلاۋ; مەديتسينالىق وڭالتۋ جانە پاللياتيۆتىك كومەك قىزمەتى, دەپ اتاپ ءوتتى مينيستر ءسوزىنىڭ باسىندا.«قازىرگى ۋاقىتتا قازاقستان رەسپۋبليكاسىندا العاشقى مەديتسينالىق كومەكتى 520 مەكەمە كورسەتەدى جانە ولاردىڭ 30% پايىزى جەكە مەنشىك ۇيىمدار. العاشقى مەديتسينالىق كومەك وبەكتىلەرىنىڭ نەگىزگى بولىگى ءىرى ەمحانالار بولىپ تابىلادى. قازىرگى تاڭدا ورتا ەسەپپەن العاندا ءار ەمحاناعا 20-دان استام ۋچاسكە تيەسىلى. بۇل دارىگەرلەردىڭ ءبىر جەرگە جيناقتالۋىنا, كەزەكتەردىڭ پايدا بولۋىنا جانە «قادامدىق قولجەتىمدىلىكتىڭ» بولماۋى سياقتى پروبلەمالارعا اكەلەدى», دەدى مينيستر.
سونىمەن قاتار ە. ءبىرتانوۆ ەلىمىزدىڭ العاشقى مەديتسينالىق كومەك ۇيىمدارىندا 11 000 ۋچاسكىدە 9 000-نان استام دارىگەر مەن 25 000-نان استام ورتا مەديتسينا قىزمەتكەرى جۇمىس ىستەيتىنىن ايتىپ ءوتتى.
«ونىڭ ىشىندە دارىگەرلەردىڭ 43% پايىزى مەن ورتا مەديتسينا قىزمەتكەرلەرىنىڭ 49% پايىزى اۋىلدىق ەلدى مەكەندە جۇمىس ىستەيدى. قوسا اتقارۋشىلىق كوەففيتسەنتى 1,2-گە تەڭ. وسىلايشا, قازىرگى ۋاقىتتا العاشقى مەديتسينالىق كومەك دارىگەرلەرىنىڭ تاپشىلىعى 1 000 ماماندى قۇرايدى. كوپ وڭىردە دارىگەرلەر ءىس جۇزىندە 2 ۋچاسكەدە جۇمىس جاساۋدا. وسىعان وراي, 1 دارىگەرگە 1 900-دان استام ادام تىركەلگەن, بۇل مەملەكەتتىك نورماتيۆتەن 200-گە جوعارى (1700)», دەدى مينيستر.