جۇما, 7 جەلتوقسان 2012 6:59
سوناۋ 2005 جىلى م.ابىلازوۆكە «بتا بانك» اق ديرەكتورلار كەڭەسىنىڭ توراعاسى كەزىندە اتالعان بانكتەن 7 ميلليون اقش دوللارىن ۇرلاعانى ءۇشىن ايىپ تاعىلدى. سودان ول تەرگەۋ ورىندارىنان قاشىپ, شەت ەلگە جاسىرىندى. الايدا, تەككە كەتپەي ەكسترەميستىك ۇيىمداسقان قىلمىستىق توپ قۇرىپ ۇلگەردى. ونى قارجىلاي قامتاماسىز ەتىپ, قىلمىستىق رولدەردى ءوزى تاڭداعان مۇشەلەرىنە ءبولىپ بەردى. وسى توپتىڭ قازاقستانداعى باسشىلىعىنا 2010 جىلى ۆ.كوزلوۆ تاعايىندالدى. ءوز كەزەگىندە ول بۇل قىلمىستىق توپقا بىرنەشە ادامدى تارتتى.
جۇما, 7 جەلتوقسان 2012 6:59
سوناۋ 2005 جىلى م.ابىلازوۆكە «بتا بانك» اق ديرەكتورلار كەڭەسىنىڭ توراعاسى كەزىندە اتالعان بانكتەن 7 ميلليون اقش دوللارىن ۇرلاعانى ءۇشىن ايىپ تاعىلدى. سودان ول تەرگەۋ ورىندارىنان قاشىپ, شەت ەلگە جاسىرىندى. الايدا, تەككە كەتپەي ەكسترەميستىك ۇيىمداسقان قىلمىستىق توپ قۇرىپ ۇلگەردى. ونى قارجىلاي قامتاماسىز ەتىپ, قىلمىستىق رولدەردى ءوزى تاڭداعان مۇشەلەرىنە ءبولىپ بەردى. وسى توپتىڭ قازاقستانداعى باسشىلىعىنا 2010 جىلى ۆ.كوزلوۆ تاعايىندالدى. ءوز كەزەگىندە ول بۇل قىلمىستىق توپقا بىرنەشە ادامدى تارتتى.
ارينە, ۆ.كوزلوۆ اتالعان قىلمىستىق توپتىڭ باسشىسى بولعان سوڭ وعان اتىنا زاتى ساي مىندەتتەر جۇكتەلەدى. سونىڭ ىشىندە كوپشىلىك الدىندا الەۋمەتتىك ارازدىق پەن الاۋىزدىقتى قوزدىرۋ, وكىمەتتى ءتۇرلى جولمەن باسىپ الۋعا, مەملەكەت قاۋىپسىزدىگىنە نۇقسان كەلتىرۋگە, كونستيتۋتسيالىق قۇرىلىستى كۇشتەپ وزگەرتۋگە جاريا تۇردە شىعۋ تاپسىرىلادى. سونىمەن قاتار, وسى ەكسترەميستىك قىلمىستىق توپتى قۇرعان ءابىلازوۆ بولعاندىقتان, ونىڭ تاراپىنان بەرىلەتىن تاپسىرمالاردى ەكى ەتپەي ورىنداۋ جانە ودان كەلەتىن قارجىلاردى يگەرۋ كەزىندە ۇيىمداسقان قىلمىستى توپ باسشىلارىنىڭ ءبىرى م.كەتەباەۆقا ەسەپ بەرىپ وتىرۋ كىرەدى. ءتىپتى, ودان باسقا «العا» پارتياسىنىڭ باسشىسى رەتىندە پارتيالىق قىزمەتتى بۇركەنىپ, «ءالسىز بۋىندى» ىزدەۋ بارىسىندا قالا نەگىزىن قۇرۋشى كاسىپورىندار ورنالاسقان ولكەلەرگە جەكە ءوزى بارۋ, جاعدايدى تالداۋ, كاسىپورىن جۇمىسشىلارى اراسىندا جاپپاي نارازىلىق تۋدىرۋ جانە ولاردى باسقارۋعا ءمۇمكىنشىلىك الۋ ءۇشىن ماتەريالدىق جانە زاڭ كومەگىن بەرۋ تۋرالى ۇسىنىستار جاساۋ, سونداي-اق, ءوزى باسقاراتىن «العا» حالىقتىق پارتياسى ارقىلى «حالىق مايدانى» قوعامدىق قوزعالىسىنىڭ دەسترۋكتيۆتىك قىزمەتىن باسقارۋ جاتتى. وسىلايشا ول بۇلاردىڭ جاڭاوزەن قالاسىنداعى كەڭسەسىن پايدالانىپ, ا.اميروۆامەن بىرگە ەل بيلىگىن جاعىمسىز سيپاتتاپ, زاڭسىز نارازىلىق اكتسياسىنا قاتىسۋشىلاردى بيلىككە قارسى ايداپ سالاتىن, ياعني بيلىكتىڭ جاعىمسىز كەيپىن قالىپتاستىراتىن مازمۇنداعى, ەكسترەميستىك باعىتتاعى ءابىلازوۆپەن راديكالداندىرىلعان «ك+ تەلەكومپانياسى» جشق جانە «ستان تۆ» ينتەرنەت-بەينەپورتالىن, وعان قوسا «رەسپۋبليكا» مەن «ۆزگلياد», «گولوس رەسپۋبليكي», «پراۆدا كازاحستانا» گازەتتەرى مەن ۇنپاراقتاردى جانە باسقا دا باسىلىمداردى تاراتۋ مىندەتتەلدى.
بۇل ورايدا ۆ.كوزلوۆقا قالا نەگىزىن قۇرۋشى كاسىپورىندار جۇمىسشىلارى قاتارىنان الداۋعا, ارباۋعا جانە باسقارۋعا كونەتىن ادامداردى ماقساتتى تۇردە ىزدەۋ, تابۋ, ىرىكتەۋ بۇيىردى. ءسويتىپ, بۇل ادامداردان ەكسترەميستىك ۇيىمداسقان قىلمىستىق توپ پەن دايىندالعان بەلسەندى ارانداتۋشىلاردى قالىپتاستىرۋ, ولارعا ەڭبەك داۋلارىن ساياسي ماقساتقا اۋىستىرۋعا, ۇرىس-كەرىس تۋدىرۋ مەن اشىق ارازدىققا, قاقتىعىستارعا, كۇش كورسەتۋگە, ويران سالۋ مەن م ۇلىكتى جويۋعا سوقتىراتىن جاعدايلاردى قالاي جاساۋ كەرەكتىگىن ۇيرەتۋ جانە وسى اتقارىلاتىن ءىس-ارەكەتتەردىڭ ءبارىن قارجىلاي قامتاماسىز ەتۋ تىكەلەي مىندەتىنە كىردى.
ءسويتىپ, ءابىلازوۆ قۇرعان قازاقستانداعى ۇيىمداسقان قىلمىستىق توپتىڭ باسشىسى اتانىپ, جوعارىداعى ب ۇلىك شىعارۋ ءىس-ارەكەتتەرى مىندەتىنە كىرگەن سوڭ ءبىر جەلپىنىپ العان ۆ. كوزلوۆ 2010 جىلدىڭ ناۋرىزىندا ەلدىڭ كونستيتۋتسيالىق قۇرىلىسىنىڭ الەۋمەتتىك-ساياسي نەگىزدەرىنە نۇقسان كەلتىرۋ ماقساتىندا, ياعني وسى بۇزىق ويلى ءىس-ارەكەتتەرىن جۇزەگە اسىرۋ ءۇشىن ماڭعىستاۋ وبلىسىنىڭ جاڭاوزەن قالاسىنا كەلگەن. كەلگەن سوڭ مۇنداعى قالىپتاسقان احۋالدى ءبىلىپ الىپ, نارازىلىق اكتسياسىنا قاتىسۋشىلاردى وزىنە تارتا باستايدى. الدىندا ايتىلعان قىلمىستىق پيعىلىن جۇزەگە اسىرۋ ءۇشىن ولاردىڭ الدىندا ءسوز سويلەپ, زاڭگەرلەر, ەكونوميستەر جانە ساراپشىلار كومەگىمەن قامتاماسىز ەتەمىن دەپ سەندىرىپ, ءوزىنىڭ دە بيلىككە قارسى ەكەندىگىن ايتىپ, مۇنداعىلاردىڭ الەۋمەتتىك-ەكونوميكالىق قيىنشىلىقتارىنا قاتىستى ويىن باق-تا جاريالاۋعا ۋادە بەرەدى.
وسىلايشا العاشقى ارانداتۋشىلىق قادامىن جاساعان ۆ. كوزلوۆ ەندى الەۋمەتتىك ارازدىقتى ءجانە الاۋىزدىقتى ودان ءارى قوزدىرۋ ماقساتىندا «وزەنمۇنايگاز» ءوندىرىستىك فيليالىنا قارسى ارەكەتىن باستايدى. وندا ول وسى ءوندىرىستىك فيليالىنا قارسى نارازىلىق اكتسياسىنا قاتىسۋشىلاردى جۇمىس بەرۋشىگە جانە مەملەكەتتىك بيلىك ورگاندارىنا قارسى قويا وتىرىپ, كوپشىلىكتىڭ الدىندا, ولاردى قالعان مۇنايشىلاردىڭ دا قولداپ كوتەرىلۋى مۇمكىندىگىن, سوندىقتان بۇدان قورقاتىن بيلىك مۇنايشىلاردى باسىپ-جانشىپ تاستاۋعا ارەكەت جاساپ وتىرعاندىعىن اشىق ايتادى. ۆ.كوزلوۆتىڭ مۇنداي ارەكەتتەرىنەن ونىڭ ۇيىمداسقان قىلمىستىق توپتى قۇرعان ءابىلازوۆقا باعىنىشتى ەكسترەميستىك باعىتتاعى جانە راديكالداندىرىلعان مەديا-جوبالارىمەن تىعىز يدەيالىق جانە قارجىلىق ءوزارا قارىم-قاتىناسىنىڭ بار ەكەندىگى راستالادى. مۇنى ءوزى دە نەگىزدەي تۇسكەندەي زاڭگەرلەر, ەكونوميستەر, ساراپشىلار كومەگىن بەرۋ جانە ماتەريالدىق قولداۋ كورسەتۋ تۋرالى اشىق تۇردە ۋادە ەتەدى.
وسىلايشا ۆ.كوزلوۆ ەل زاڭىن اياققا تاپتاپ, جاڭاوزەن قالاسىنداعى سەنىمدى دەگەن ادامدارىنا تاپسىرمالارىن ورىنداتۋعا كوشكەن. سولار ارقىلى تىركەلمەگەن «العا» حالىق پارتياسىنىڭ جانە «حالىق مايدانى» قوعامدىق قوزعالىسىنىڭ جاڭاوزەن قالاسىنداعى كەڭسەسىنىڭ جۇمىستارىن ءجۇرگىزەدى. سونىمەن قاتار جوعارىدا اتالعان, مازمۇندارىندا الەۋمەتتىك ارازدىق پەن الاۋىزدىقتى قوزدىرۋعا جانە مەملەكەتتىڭ قاۋىپسىزدىگىنە نۇقسان كەلتىرۋگە, كونستيتۋتسيالىق قۇرىلىستى كۇشتەپ قۇلاتۋعا شاقىرۋدىڭ بەلگىلەرى بار راديكالداندىرىلعان «رەسپۋبليكا», «ۆزگلياد» گازەتتەرى مەن ءۇنپاراقتاردى جانە باسقا دا باسىلىمداردى تاراتۋ ءۇشىن جەتكىزەدى. بۇعان قوسا الاڭدا تۇرعان ەرەۋىلشىلەرگە قاجەتتى بۇيىمداردى, زاتتاردى, ونىڭ ىشىندە ۇيىقتايتىن قاپتار, پالاتكالار, جاۋىن-شاشىننان قورعايتىن سىرت كيىمدەردى ۇلەستىرەدى.
بۇدان ءارى ابدەن ەركىنسىگەن ۆ.كوزلوۆ قىلمىستىق ءىس-ارەكەتتەرىن جانداندىرا ءتۇسۋ ماقساتىندا قازاقستاننان قاشىپ, شەتەلدە تىعىلىپ جۇرگەن ۇيىمداسقان قىلمىستىق توپ باسشىسى ءابىلازوۆتىڭ قاتىسۋىمەن جانە تىركەلمەگەن «العا» حالىق پارتياسى اۋماقتىق بولىمشەلەرىنىڭ جەتەكشىلەرىن قاتىستىرا وتىرىپ, سكايپ-كونفەرەنتسيا وتكىزەدى. مىنە, وسى كەزدە ول ابىلازوۆتەن ناقتى تاپسىرما الادى. ءابىلازوۆ وعان بيلىكتىڭ ەڭ وسال تۇسىن تاۋىپ, ياعني مۇنايشىلاردى, شاحتەرلەردى, نەسيە الۋشىلاردى ءبىر جەرگە توپتاستىرۋ قاجەتتىگىن ايتادى. ءسويتىپ, بۇلار ارقىلى ۇلكەن كۇش پايدا بولادى. سودان كەيىن, ياعني 2011 جىلدىڭ سوڭىنا تامان الەۋمەتتىك ارازدىقتى جانە الاۋىزدىقتى قوزدىرا بەرۋ ارقىلى مەملەكەتتىك قاۋىپسىزدىككە نۇقسان كەلتىرىپ, وكىمەتتى قالاي دا باسىپ الۋ قاجەت, دەيدى.
مۇنداي قۇپيا تاپسىرما العان ۆ.كوزلوۆ قاناتتانىپ, ءوزىنىڭ جارىلقاۋشىسىن بۇل مىندەتتەردى ەكى ەتپەي ورىنداۋ ءۇشىن بارلىق كۇش-جىگەرىن جۇمساۋعا جانە كۇش بىرىكتىرىپ وكىمەتتى قۇلاتۋعا دايىن ەكەندىكتەرىنە سەندىرگەن. ءسويتىپ, ول وزىنە جۇكتەلگەن مىندەتتەردى ورىنداۋعا بەلسەنە كىرىسەدى. جوعارىدا ايتقانىمىزداي, ءوزى جەتەكشىلىك جاسايتىن پارتيانىڭ جانە «حالىق مايدانى» قوعامدىق قوزعالىسىنىڭ, سونىمەن قاتار ونىمەن راديكالداندىرىلعان بۇقارالىق اقپارات قۇرالدارىنىڭ ءمۇمكىندىكتەرىن پايدالانادى. قالا نەگىزىن قۇرۋشى كاسىپورىنداردا جۇمىس ىستەيتىن قىزمەتكەرلەر مەن باسقا دا ساناتتاعى جۇمىسشىلارعا ۇگىتتەۋ شاراسىن جۇرگىزۋ ءۇشىن ۇنپاراقتار تاراتقىزادى. ول وسى ىسىمەن-اق, ياعني ەلدەگى جاعدايدى تۇراقسىزداندىرۋ ماقساتىندا كونستيتۋتسياعا قايشى ءىس-ارەكەتتەردى جاسايدى. بۇعان ناقتى دالەل, سول كەزدەرى ول, ياعني 2010-2011 جىلدارى م.ءابىلازوۆتىڭ سويلەگەن سوزدەرىن, ۇندەۋلەرىن جانە ءمالىمدەمەلەرىن «ك+» تەلەارناسى ارقىلى بەرىپ تۇرعان جانە اتالعان گازەتتەردى تاراتۋمەن اينالىسقان.
ماسەلەن, ول 2011 جىلى ۇيىمداسقان قىلمىستىق توپتىڭ باسشىلارىنا باعىنىشتى اتالعان «ك+» تەلەارناسى, «ستان تۆ» ينتەرنەت-پورتالى, «رەسپۋبليكا», «ۆزگلياد» گازەتتەرى ارقىلى الەۋمەتتىك الاۋىزدىقتى قوزدىرۋعا جانە وكىمەتتى كۇشتەپ باسىپ الۋعا, مەملەكەت قاۋىپسىزدىگىنە نۇقسان كەلتىرۋگە, مەملەكەتتىڭ كونستيتۋتسيالىق قۇرىلىسىن كۇشتەپ وزگەرتۋگە باعىتتالعان مازمۇنداعى كوپتەگەن ماتەريالداردى تاراتقان. ءتىپتى, ول 2011 جىلى «گولوس رەسپۋبليكي» گازەتىنە سۇحبات بەرىپ, وندا ءوزىنىڭ مۇنايشىلارمەن بىرگە تىعىز بايلانىستا ەكەندىگىن جانە جوعارىدا اتالعان قىلمىستىق ارەكەتتەرىنىڭ ءبارى ءوز قولىمەن جاسالىنىپ جاتقاندىعىن راستاپ, جاريا تۇردە مالىمدەمە جاسايدى. اقىرى ۆ.كوزلوۆ جوعارىدا ايتىلعانداي, مەملەكەتكە قارسى كوپتەگەن قىلمىستىق ارەكەتتەرى ءۇشىن جاۋاپقا تارتىلدى. ونىڭ ايىبى ناقتى دالەلدەندى.
الايدا ۆ.كوزلوۆ ۇستىمىزدەگى جىلعى ماڭعىستاۋ وبلىسىنىڭ اقتاۋ قالالىق سوتىندا وزىنە تاعىلعان ايىپتاردى مويىنداعىسى كەلمەدى. بىراق, ول ءوز قولىمەن جاساعان, ۇيىمداستىرعان قىلمىستاردى مويىنداماعانمەن, ونىڭ تاراپىنان قىلمىستىق ارەكەتتەردىڭ جاسالعاندىعى باستى سوت تالقىلاۋىندا جان-جاقتى زەرتتەلگەن ايعاقتىق دالەلدەرمەن, جيناقتالعان ءىس ماتەريالدارىمەن, كۋالەردىڭ جاۋاپتارىمەن تولىق ءدالەلدەنگەن. سوندىقتان دا ونىڭ كوپتەگەن قىلمىستارىن سارالاي كەلگەن سوت قازاقستان رەسپۋبليكاسى كونستيتۋتسياسىنىڭ قاجەتتى باپتارىنا سۇيەنە وتىرىپ ۆ.كوزلوۆتى بىرنەشە جىلعا باس بوستاندىعىنان ايىرۋعا ۇكىم ەتتى.