بەيسەنبى, 8 قاراشا 2012 7:20
كەشە اقش-تا وتكەن پرەزيدەنت سايلاۋىنىڭ العاشقى قورىتىندىلارىبويىنشا قازىرگى پرەزيدەنت باراك وباما جەڭىسكە جەتتى.
رەسپۋبليكاشىلدار پارتياسىنان تۇسكەن كانديدات ميتت رومني ءوزىنىڭ جەڭىلگەنىن مويىنداپ, جەڭىمپازدى تەلەفون ارقىلى قۇتتىقتادى. ال چيكاگودا ءوز جاقتاستارى الدىندا ءسوز سويلەگەن وباما امەريكاعا جاڭا سەرپىن بەرۋ ءۇشىن رومنيمەن كەز كەلگەن ماسەلەنى بىرلەسىپ تالقىلاۋعا دايىن ەكەنىن جەتكىزدى. وباما ءداستۇرلى تۇردە دەموكراتتار ءۇشىن داۋىس بەرەتىن شتاتتاردا كوپ داۋىس جيناۋى, سونىمەن بىرگە «ەكىويلى» كۇيدە بولعان كولورادو, ايوۆا, پەنسيلۆانيا, ميچيگان, ميننەسوتە جانە ۆيسكونسين شتاتتارىن وزىنە قاراتا ءبىلۋى ارقاسىندا جەڭىسكە جەتتى. ال وگايو شتاتىنداعى ونىڭ جەڭىسى شەشۋشى ءرول اتقاردى.
بەيسەنبى, 8 قاراشا 2012 7:20
كەشە اقش-تا وتكەن پرەزيدەنت سايلاۋىنىڭ العاشقى قورىتىندىلارىبويىنشا قازىرگى پرەزيدەنت باراك وباما جەڭىسكە جەتتى.
رەسپۋبليكاشىلدار پارتياسىنان تۇسكەن كانديدات ميتت رومني ءوزىنىڭ جەڭىلگەنىن مويىنداپ, جەڭىمپازدى تەلەفون ارقىلى قۇتتىقتادى. ال چيكاگودا ءوز جاقتاستارى الدىندا ءسوز سويلەگەن وباما امەريكاعا جاڭا سەرپىن بەرۋ ءۇشىن رومنيمەن كەز كەلگەن ماسەلەنى بىرلەسىپ تالقىلاۋعا دايىن ەكەنىن جەتكىزدى. وباما ءداستۇرلى تۇردە دەموكراتتار ءۇشىن داۋىس بەرەتىن شتاتتاردا كوپ داۋىس جيناۋى, سونىمەن بىرگە «ەكىويلى» كۇيدە بولعان كولورادو, ايوۆا, پەنسيلۆانيا, ميچيگان, ميننەسوتە جانە ۆيسكونسين شتاتتارىن وزىنە قاراتا ءبىلۋى ارقاسىندا جەڭىسكە جەتتى. ال وگايو شتاتىنداعى ونىڭ جەڭىسى شەشۋشى ءرول اتقاردى.
شتاب باستىعى تۇتقىندالدى
گرۋزيا استاناسىندا ەلدىڭ قارۋلى كۇشتەرىنىڭ بىرلەسكەن شتابىنىڭ باستىعى گەورگي كالاندادزە مەن قورعانىس مينيسترلىگىنىڭ 4-ءشى بريگادا كومانديرى زۋراب شاماتاۆا تۇتقىندالدى.
گرۋزين باق-تارىنىڭ مالىمەتىنشە, ولارعا قىزمەت بابىن اسىرا پايدالاندى دەگەن ايىپ تاعىلۋدا. كالاندادزە تۇندە شۇعىل تۇردە قورعانىس مينيسترلىگىنە شاقىرىلعان جەرىندە قاماۋعا الىنعان كورىنەدى. تۇتقىنداۋ جاڭا ادىلەت ءمينيسترى تەي تسۋلۋكيانيدىڭ وكىمى بويىنشا جانە گرۋزيانىڭ جاڭا باس پروكۋرورى ارچيل كبيلاشۆيليدىڭ ارالاسۋىمەن جۇزەگە اسىرىلعان.
سيريا استاناسىنداعى جارىلىستار
سيريا استاناسى داماسكىنىڭ پرەزيدەنت سارايى ورنالاسقان جەرگە جاقىن اۋدانىندا بىرنەشە جارىلىس بولدى.
جەرگىلىكتى تەلەارنا تاراتقان ءمالىمەت بويىنشا, اۋدان اۋىر ارتيللەريادان اتقىلانعان كورىنەدى. سونىڭ سالدارىنان بىرنەشە ادامنىڭ قازا تاپقانى بەلگىلى بولىپ وتىر. وقيعا بولعان جەرگە جەدەل جاردەم ماشينەلەرى جىبەرىلگەن. جاعدايدىڭ ودان ءارى قالاي وربىگەنى تۋرالى ازىرگە ناقتى مالىمەت جوق. ءسوز ورايىندا اتالعان اۋداندا الاۆيتتەر ءدىني سەكتاسىنىڭ وكىلدەرى تۇراتىنىن ايتا كەتۋ قاجەت.
پارسى شىعاناعىمەن بايلانىستى نىعايتپاق
ۇلىبريتانيانىڭ پرەمەر-ءمينيسترى دەۆيد كەمەرون پارسى شىعاناعى ەلدەرىمەن اسكەري جانە ساۋدا بايلانىستارىن نىعايتۋ ماقساتىندا دۋبايعا كەلدى.
ونىڭ قاسىندا قورعانىس ءمينيسترى فيليپ حامموند تا بار. دۋبايدان سوڭ ولار ساۋد ارابياسىنا بارماق. ۇلىبريتانيا Typhoon جويعىش ۇشاقتارىن ساتۋ بويىنشا كەلىسىم-شارتتار بەكىتپەك نيەتتە. پرەمەر-ءمينيستردىڭ وكىلدەرىنىڭ ايتۋىنشا, لوندون ءباا-گە جانە ساۋد ارابياسىنا 100 شاقتى جويعىش ۇشاق ساتپاقشى. ءباا-گە ساپار بارىسىندا كەمەرون يرانمەن قارۋلى قاقتىعىس بولا قالعان جاعدايدا پايدالانۋ ءۇشىن وسى ەلدە بريتاندىق اسكەري ۇشاقتاردى ورنالاستىرۋ مۇمكىندىگىن دە تالقىلايتىن بولادى.
سۋدان پرەزيدەنتىنە وتا جاسالدى
سۋدان پرەزيدەنتى ومار ءال-باشيرگە ساۋد ارابياسىنىڭ اۋرۋحاناسىندا وتا جاسالعان.
پرەزيدەنت ءباسپاسوز حاتشىسىنىڭ ايتۋىنشا, وتا تابىستى وتكەن كورىنەدى. ومار ءال-باشار بىرنەشە ساعاتتىڭ ىشىندە اۋرۋحانادان شىعۋى ءتيىس. وتانىڭ نە ءۇشىن جاسالعانى بەلگىسىز. وسى جىلدىڭ تامىزىندا پرەزيدەنت تاماعىنا وتا جاساتتى دەپ حابارلانعان بولاتىن. سوعان بايلانىستى ءبىرقاتار باق-تاردا ءال-باشيردىڭ دەنساۋلىعى وتە ناشارلاپ كەتتى دەگەن سىبىس تا تاراعان ەدى. ول باسقارعان كەزدە سۋداندا بىرنەشە ازامات سوعىسى بولعانىنا جانە ەلدىڭ وڭتۇستىك سۋدان اۋماعىنان ايىرىلعانىنا قاراماستان 2010 جىلى ول قايتادان پرەزيدەنت بولىپ سايلاندى.
پلاستيك كۋپيۋرالار اينالىمعا شىعارىلدى
كانادا پوليمەردەن جاسالعان 20 دوللارلىق كۋپيۋرالاردى اينالىمعا شىعاردى, دەپ حابارلادى Toronro Sun.
20 دوللارلىق كۋپيۋرا ەلدە ەڭ كوپ تاراعاندىقتان – اينالىمدا 800 ميلليونعا جۋىق داناسى بار – ءداستۇرلى قاعاز بانكنوتتار بىرتىندەپ اۋىستىرىلاتىن بولادى. پلاستيك كۋپيۋرالار ۇزاق ۋاقىت قىزمەت ەتەدى دەپ كۇتىلۋدە. قارجى ۇيىمدارىنىڭ ءبارى بىردەي جاڭا كۋپيۋرانى الا بەرمەيدى, بانكوماتتاردى جاڭا كۋپيۋرالاردى بەرۋگە دايىنداۋ ءۇشىن بانكتەرگە 2 جىل مەرزىم بەرىلىپ وتىر. تاياۋ ۋاقىتتاردا كانادا بانكى 5 جانە 10 دوللارلىق كۋپيۋرالاردى اينالىمعا شىعارماقشى.
پولياكتار رەسەيدەن مۇناي الماق
پولشانىڭ PKN Orlen كومپانياسى رەسەيدەن جىل سايىن 10 ميلليون توننا مۇناي ساتىپ الۋ جونىندە كەلىسىم-شارت ازىرلەۋدە.
بۇل تۋرالى كومپانيا باسقارماسىنىڭ توراعاسى ياتسەك كراۆەتسكە سىلتەمە جاساي وتىرىپ, جەرگىلىكتى باسىلىمداردىڭ ءبىرى حابارلاعان. ونىڭ ايتۋىنشا, Urals ماركالى مۇنايدىڭ قازىرگى باعاسىن باسشىلىققا العاندا جىل سايىن جەتكىزىلەتىن مۇناي قۇنى 7 ميلليارد دوللاردى قۇراماق. ەگەر كەلىسىم-شارتقا قول قويىلاتىن بولسا, پولشالىق كومپانيا رەسەيدەن مۇناي ساتىپ الاتىن كومپانيالاردىڭ ىشىندە ەكىنشى ورىنعا شىعاتىن بولادى.
نيۋ-يورككە داۋىل قاتەرى تونۋدە
اقش-تىڭ شىعىس جاعالاۋىنا ءتونىپ كەلە جاتقان “نوريستەرن” داۋىلىنا بايلانىستى امەريكالىق اۋە كومپانيالارى نيۋ-يورككە باراتىن كوپتەگەن رەيستەردى كەيىنگە قالدىرىپ وتىر.
نيۋ-يورك مەرى مايكل بلۋمبەرگ داۋىل قاتەرىنە بايلانىستى قالاداعى بارلىق ساياباقتار مەن جاعاجايلاردى جابۋ جونىندە وكىم شىعاردى. قالا وتكەن اپتادا ونسىز دا “سەندي” داۋىلى سالدارىنان ەلەۋلى زارداپ شەككەن بولاتىن. قالا بيلىگى قاۋىپ تونەتىن بىرقاتار اۋداندار تۇرعىندارىن باسقا جاقتارعا كوشىرمەك.
ينتەرنەت ماتەريالدارى نەگىزىندە ازىرلەندى.