ناۋرىز مەيرامىندا قاراعاندى وبلىسىنىڭ اباي اۋدانىنداعى كوپبالالى وتباسىنا «شىعىس» شارۋا قوجالىعىنىڭ باسشىسى ءشامىل وسين جاڭا پاتەردىڭ كىلتىن سىيعا تارتتى.
جارتاس اۋىلىندا تۇراتىن سوروكيندەر وتباسىندا توعىز بالا بار. ۇلكەنىنىڭ جاسى 13-تە, كىشىسىنە جەتى اي تولعان. بۇعان دەيىن ولار 3 بولمەلى پاتەردە قىسىلىپ-قىمتىرىلىپ تۇرىپ كەلگەن بولاتىن.
سونداي-اق, كوپبالالى وتباسى جاڭادان تاعايىندالعان جاردەماقىعا دا كوپ ءۇمىت ارتىپ وتىر. «ەلباسىنا راقمەت. جاردەماقىنى العان سوڭ, جاڭا پاتەرگە جوندەۋ جۇمىستارىن قالاعان ۋاقىتىمىزدا جۇرگىزىپ الاتىن بولدىق», دەيدى مارينا سوروكينا.
سونىمەن قاتار, ناۋرىز مەيرامى كۇنى اباي قالاسىندا 25 كوپبالالى وتباسىنا ازىق-ت ۇلىك تۇرىندە دەمەۋشىلىك كومەك كورسەتىلدى.
قايرات ءابىلدا,
«ەگەمەن قازاقستان»
قاراعاندى وبلىسى