بۇگىن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ تۇركىستان وبلىسىنىڭ اتقارۋشى ورگان باسشىلارىمەن, ارداگەرلەر جانە زيالى قاۋىم وكىلدەرىمەن كەزدەستى.
مەملەكەت باسشىسى ءوڭىردى وركەندەتۋ, ونىڭ ورتالىعى - تۇركىستان قالاسىن دامىتۋ ماسەلەسى بويىنشا وي قوزعاپ, الداعى جوسپارلارىمەن ءبولىستى.
«ەلباسىمىزدىڭ رەفورمالارى قازاقستاندى دامۋ جلىنا شىعاردى. بىراق الەمدە باسەكەلەستىك ارتۋدا. جاڭادان سىن قاتەرلەر پايدا بولۋدا. جالپى بۇكىل دۇنيەجۇزىنىڭ داعدارىس بولىپ, الەمنىڭ بولاشاعى ب ۇلىڭعىر بولۋدا.سوندىقتان توقتاپ قالۋعا مۇلدەم بولمايدى. حالىقىمىزدىڭ بىرلىگى, ۇلتارپالىق كەلىسىم, كۇشتى ەكونميكا ءارى قاراي العا باسۋدىڭ نەگىزگى كەپىلى»,- دەدى قاسىم-جومارت توقاەۆ.
مەملەكەت باسشىسى تۇركىستان وبلىسى دوتاتسيالىق ءوڭىر دەگەن اتتان ارىلىپ, ءوندىرىستى دامىتۋ, جۇمىس ورىندارىن اشۋ باعىتىندا اۋقىمدى جۇمىستار جۇرگىزىلۋى كەرەك ەكەنىن ايتتى. تۇركىستان قالاسىنىڭ ينفراقۇرىلىمىن دامىتۋ, اۋىز سۋ, گاز جانە ساپالى ەلەكتر قۋاتىمەن, حالىققا قاجەتتى قىزمەت كورسەتۋ ورتالىقتارى مەن بانك بولىمشەلەرىن, ساۋدا ورىندارىن اشۋ جونىندە تاپسىرما بەردى. تۇركىستاندى عىلىم مەن مادەنيەتتىڭ رۋحانياتتىڭ ورتالىعىنا اينالدىرۋ بويىنشا ناقتى جوسپار جاساۋ جونىندە مىندەت جۇكتەدى.
مەملەكەت باسشىسى سونىمەن قاتار تۇركىستان وبلىسىنىڭ اكىمى ومىرزاق شوكەەۆ تۇركىستاندى تۇلەتۋدەگى كۇردەلى جۇمىستى ۇيىمداستىرىپ, تابىستى جۇزەگە اسىرادى دەپ سەنىم ءبىلدىردى.