قاسىم-جومارت توقاەۆتىڭ ءۇشىنشى مەگاپوليسكە ساپارى كەزىندە وڭىردەگى يندۋستريالىق دامۋ باعدارلاماسىنىڭ, «وڭتۇستىك» ارنايى ەكونوميكالىق ايماعىنداعى ينۆەستيتسيالىق باعدارلامانىڭ جۇزەگە اسىرىلۋ بارىسى مەن جەڭىل ونەركاسىپ نىساندارى قىزمەتىنىڭ نەگىزگى كورسەتكىشتەرى تۋرالى ايتىلدى.
مەملەكەت باسشىسى ساپارى كەزىندە كاسىپكەرلىك نىسانداردى ارالاپ, جەرگىلىكتى «ازالا تەكستيل» فابريكاسىنىڭ جۇمىسىمەن تانىستى.
«ازالا تەكستيل» جوباسى ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا جۇزەگە اسىرىلۋدا. بۇگىندە مۇندا 650-دەن استام ادام ەڭبەك ەتەدى. كاسىپورىن نارىققا كورپە مەن جاستىق تىسى, سۇلگى مەن جايمالار, تۇرمىسقا قاجەتتى توقىما بۇيىمدارىن شىعارۋدا. ايىنا 500 توننا ماقتانى وڭدەيتىن فابريكادا 1,5 ميلليون مەتر ماتا توقىلادى.ءوز ونىمدەرىن الىس جاقىن شەتەلدەرگە دە ەكسپورتتايدى. وسىلايشا توقىما فابريكاسى قالاداعى ەڭ ۇلكەن كاسىپورىندارىنىڭ بىرىنە اينالعان.