قازاقستاننىڭ تۇڭعىش پرەزيدەنتى نۇرسۇلتان نازارباەۆ بىرنەشە اي بۇرىن ەلدىڭ كونستيتۋتسيالىق كەڭەسىنە پرەزيدەنت وكىلەتتىلىگىنەن باس تارتۋدىڭ قۇقىقتىق نەگىزى جايىندا ساۋال جولداعان بولاتىن. سول كەزدە «پرەزيدەنت قىزمەتىنەن كەتپەك پە؟» دەگەن سۇراق تۋىنداعان ەدى. كەيىن كونستيتۋتسيالىق كەڭەس پرەزيدەنتكە رەسمي جاۋاپ بەردى. ەندى, مىنە, سەنات سپيكەرى قاسىم-جومارت توقاەۆقا زاڭناماعا سايكەس ەل باقسارۋ وكىلەتتىگىن تاپسىرىپ, قىزمەتىنەن كەتكەن جايى بار.
ن.نازارباەۆ 30 جىلعا جۋىق ەل باسقاردى. ول وكىلەتتىلىگىن كوزى تىرىسىندە توقتاتقان العاشقى مەملەكەت باسشىسى رەتىندە تۇركى الەمىنە ۇلگى بولىپ وتىر. سوندىقتان ن.نازارباەۆتىڭ شەشىمىن مارتەبەلى قادام رەتىندە باعالايمىن. شاماسى, قازاقستان باسشىسى ومىردەگى ىقتيمال جاعدايلاردىڭ الدىن الۋدى كوزدەگەن ءتارىزدى. مەملەكەت باسشىسى اياقاستى ءوز قىزمەتىن اتقارا الماي قالار بولسا, ەلدە دۇربەلەڭ تۋى مۇمكىن ەدى. ويتكەنى, قازاقستان - وتە ۇلكەن مەملەكەت. رەسەيمەن 7 مىڭ شاقىرىمدىق شەكاراسى بار ءارى جەر كولەمى جاعىنان الەمدە توعىزىنشى ورىندا تۇر. ۇلى تۇركىستان ايماعىنداعى ەڭ ۇلكەن ءارى كۇللى تۇركىنىڭ كوزىنىڭ قاراشىعىنداي ەل.
قازاق كوشباسشىسى مەملەكەت باسقارۋ مىندەتىن بىرتە-بىرتە پارلامەنتكە وتكىزۋدى قالايتىن سياقتى. سوندىقتان ن.نازارباەۆتىڭ وكىلەتتىگىن توقتاتۋىنان قورقاتىن ەشتەڭە جوق. دەنساۋلىعى جاقسى كەزدە ورنىن باسار تۇلعانى حالقىنا تانىستىرۋدى كوزدەسە كەرەك. بىراق ەل ىسىنەن مۇلدەم جىراق قالادى دەپ ويلامايمىن. ويتكەنى, ول – مەملەكەت قۇرۋشى پرەزيدەنت. دەمەك, كوشباسشى رەتىندە حالقىنا ادال قىزمەت ەتە بەرەرى انىق.
حادجي احمەت شيمشەك,
سەلچۋك ۋنيۆەرسيتەتىنىڭ پروفەسسورى, تۇركيا