قازاقستان كۇن ەنەرگەتيكاسى قاۋىمداستىعى» مەن يسپاندىق كاسىپورىن «Risen Energy Spain S.L.U» اراسىنداعى ءوزارا ىنتىماقتاستىق تۋرالى مەموراندۋمعا قول قويۋ بولدى.
قول قويىلعان كەلىسىمگە سايكەس, يسپاندىق كومپانيا قاۋىمداستىق مۇشەلەرىمەن جاڭارتىلاتىن ەنەرگيا سالاسىندا جيناقتاعان بىلىمىمەن, وزىق تاجىريبەسىمەن الماسۋدا كومەك كورسەتۋگە دايىن, قاۋىمداستىق ءوز تاراپىنان «Risen Energy Spain» كاسىپورنىنا قازاقستان رەسپۋبليكاسىنىڭ جاڭارتىلاتىن ەنەرگيا نارىعىنا كىرۋىنە كومەكتەسۋگە دايىن.
دەلەگاتسيانى قر سىرتقى ىستەر ۆيتسە-ءمينيسترى ەرمەك كوشەرباەۆ باسقاردى, ونىڭ نەگىزگى ۇيىمداستىرۋشىسى قازاقستان رەسپۋبليكاسىنىڭ يسپانياداعى ەلشىلىگىنىڭ قولداۋىمەن «Kazakh Invest» ۇلتتىق كومپانياسى» اق بولدى. فورۋمدى ۇيىمداستىرۋدا يسپاندىق تاراپتان يسپانيانىڭ كاسىپكەرلىك ۇيىمدار كونفەدەراتسياسى مەن يسپانيانىڭ ساۋدا پالاتاسى كومەك كورسەتتى.
فورۋمنىڭ نەگىزگى مىندەتى ينفراقۇرىلىم, لوگيستيكا, ساندىق جۇيەگە كوشىرۋ جانە تەلەبايلانىس, سونداي-اق جاسىل ەنەرگەتيكا سياقتى ەكونوميكانىڭ باسىم سالالارىنا تىكەلەي شەتەلدىك ينۆەستيتسيالاردى كەڭەيتۋ ءۇشىن قازاقستاننىڭ ينۆەستيتسيالىق كليماتى مەن الەۋەتىن ۇسىنۋ بولدى.
قازاقستاندىق ۋاكىلەتتى مەملەكەتتىك قۇرىلىمداردىڭ وكىلدەرى يسپاندىق بيزنەس-اۋديتورياعا قازاقستان ەكونوميكاسىنا ينۆەستيتسيالىق مۇمكىندىكتەردىڭ وزەكتى جاعدايىن جانە ينۆەستورلاردى مەملەكەتتىك قولداۋدىڭ قولدانىستاعى قۇرالدارىن ۇسىندى, ال بيزنەس-قاۋىمداستىق وكىلدەرى وزدەرىنىڭ تابىستى ىسكە اسىرىلعان كەيستارىن جانە ينۆەستورلاردىڭ قاتىسۋىنا دايىن جوبالارىن تانىستىردى.
فورۋمنىڭ ەكى كۇندىك مازمۇندى باعدارلاماسى قازاقستاندىق دەلەگاتسيا مۇشەلەرىنە ەكى جاقتى ءتيىمدى كەزدەسۋلەر وتكىزۋ مۇمكىندىگىن بەردى. 100-دەن استام الەۋەتتى كومپانيا- ينۆەستورلار تىكەلەي سىندارلى سۇحباتتارعا قاتىستى. كەزدەسۋلەر قاتىسۋشىلارىنىڭ قاتارىنا قۇرامىنا ەلدىڭ ءجىو-ءنىڭ 20% -نان استامىن جانە شەت ەلگە بولىنگەن ينۆەستيتسيالاردىڭ 50%-ىن ۇسىناتىن يسپاندىق ءىرى كومپانيالار مەن بانكتەردى قامتيتىن يسپاندىق ەكسپورتشىلار مەن ينۆەستورلار كلۋبىنىڭ مۇشەلەرى كىردى. گۇلبارشىن ساباەۆا,
«ەqemen Qazaqstan»
الماتى