قازاقستان ءبىلىم مينيسترلىگى ۇكىمەت قاۋلىسىنىڭ جوباسىن ازىرلەدى, سوعان سايكەس حالىقارالىق «بولاشاق» ستيپەندياسى ۇمىتكەرلەرىنىڭ جاسى 50-گە دەيىن شەكتەلەتىن بولادى, دەپ حابارلادى ۆەدومستۆو ءباسپاسوز قىزمەتىنەن.
«قازاقستان رەسپۋبليكاسى ءبىلىم جانە عىلىم مينيسترلىگى قازاقستان رەسپۋبليكاسى ۇكىمەتىنىڭ «بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىن بەكىتۋ جانە «بولاشاق» حالىقارالىق ستيپەندياسىن جۇمساۋ باعىتتارىن ايقىنداۋ تۋرالى» 2008 جىلعى 11 ماۋسىمداعى №573 قاۋلىسىنا وزگەرىستەر ەنگىزۋ تۋرالى» قاۋلى جوباسى ازىرلەندى» دەلىنگەن حاباردا.
اتالمىش قاۋلى جوباسى «بولاشاق» ستيپەندياسىن تاعايىنداۋ ءۇشىن ۇمىتكەرلەردىڭ جاسى 50 جاستان جوعارى بولماۋ كەرەكتىگىن قاراستىرادى.
بۇعان دەيىن حابارلانعانداي, «بولاشاق» باعدارلاماسىنا قاتىسۋ ءۇشىن قۇجاتتاردى قابىلداۋ 2019 جىلدىڭ 25 اقپانىنان 31 تامىزىنا دەيىن جۇرگىزىلەدى. بايقاۋدىڭ ءوزى 2019 جىلدىڭ 6 ناۋرىزى مەن 29 قاراشاسى اراسىندا وتەدى.