اقپان ايىنىڭ باستاپ جۇمىسپەن قامتۋ ورتالىعى قۇرعان موبيلدىك توپتار بازار, سوسو, ساۋدا ورىندارىن ارالاپ, بىرىڭعاي جيىنتىق تولەم تۋرالى اقپاراتتى تۇسىندىرۋدە. بۇل تۋرالى استانا اكىمدىگىنىڭ ءباسپاسوز قىزمەتى حابارلادى.
ءموبيلدى توپ الەۋمەتتىك مەديتسينالىق ساقتاندىرۋ, مەملەكەتتىك الەۋمەتتىك ساقتاندىرۋ قورى ورگاندارىنىڭ جانە بجزق وكىلدەرىنەن تۇرادى. توپ مۇشەلەرى بىرىڭعاي جيىنتىق تولەم تۋرالى ءتۇسىندىرىپ, تۇرعىنداردىڭ سۇراقتارىنا جاۋاپ بەرۋدە. اقپارات جازىلعان بروشيۋرالار, بۋكلەتتەر تاراتىلدى, وندا بجت ءوز بەتىمەن تولەۋ ارنالعان قاجەتتى اقپارات كورسەتىلگەن. «بجت – بۇل ازاماتتىڭ الەۋمەتتىك قورعالۋىن قامتاماسىز ەتەتىن تىركەۋدىڭ جەڭىلدەتىلگەن رەجيمى. بجت جسن ارقىلى ەكىنشى دەڭگەيلى بانكتەر ارقىلى نەمەسە تولەم تەرمينالدارى ارقىلى تولەۋگە بولادى», – دەپ ءتۇسىندىردى حالىقتى جۇمىسپەن قامتۋ ورتالىعىنىڭ كاسىپتىك وقىتۋ ءبولىمىنىڭ سەكتور مەڭگەرۋشىسى مەيرامگۇل يماشەۆا.
مەيرامگۇل يماشەۆانىڭ ايتۋىنشا, ءموبيلدى توپتار «اسەم», «سارىارقا», «الەم», «استانالىق» ساۋدا ۇيلەرىنە, «كوك بازار», «الاش» بازارىنا سونداي-اق, جوعارى وقۋ ورىندارى مەن كوللەدجدەرگە بارادى. ەستەرىڭىزگە سالامىز, 2019 جىلدىڭ 1-شى قاڭتارىنان باستاپ بىرىڭعاي جيىنتىق تولەم (بجت) ەنگىزۋ جۇمىستارى ءجۇرىپ جاتىر. بىرىڭعاي جيىنتىق تولەم ءتارتىبىن ەنگىزۋدىڭ باستى ماقساتى– بەيرەسمي تۇردە جۇمىسپەن قامتىلعان تۇلعالاردى تىركەۋ قىزمەتىن جەڭىلدەتۋ. ول جەكە تابىس سالىعى, بجزق زەينەتاقى قورىنا مىندەتتى زەينەتاقى جارناسىن تولەۋ, مەملەكەتتىك الەۋمەتتىك ساقتاندىرۋ قورىنا مىندەتتى الەۋمەتتىك اۋدارۋ جانە الەۋمەتتىك مەديتسينالىق ساقتاندىرۋ قورىنا (ماسق) الەۋمەتتىك تولەم تولەۋ سياقتى ءتورت مىندەتتى تولەمدى بىرىكتىرگەن ءبىر رەتتىك تولەم بولىپ تابىلادى. بجت بارىنشا ىڭعايلى جاسالعان. ول مەملەكەتتىك تىركەۋ,تەكسەرۋ جانە سالىقتىق ەسەپتى تالاپ ەتپەيدى.