بۇگىن الماتىداعى ريتتس كارلتون وتەلىندە «Women in business» فورۋمى ءوتىپ جاتىر. مەگاپوليستە ۇيىمداستىرىلعان ۇلكەن جيىنعا ەكونوميكانىڭ ءار سالاسىندا جەتىستىككە جەتكەن قىز-كەلىنشەكتەر جينالعان.
جىل وتكەن سايىن بيزنەستەگى جانە قوعامدىق ومىردە ايەلدەدىڭ ءرولى دە سانى دا ارتىپ كەلە جاتقانى ايان.
فورۋمعا الماتىداعى «اتامەكەن» قازاقستان ىسكەر ايەلدەرى كەڭەسى مەن «قازاقستان حالىق بانكى» اق ۇيىتقى بولىپ, قازاقستان ءباسپاسوز كلۋبى قولداۋ كورسەتۋدە.
مۇنداي ۇلكەن جيىندى وتكىزۋگە ەكونوميكا سەكتورىنداعى ايەلدەر مەن ءىس جۇزىندەگى ساراپشىلار مۇددەلىلىك تانىتتى.
فورۋمعا 100-دەن اسا كاسىپكەر ايەلدەر مەن قوعام قايراتكەرلەرى جانە سپورت پەن مادەنيەت سالاسىنىڭ بەتكە ۇستار وكىلدەرى كەلدى.
فورۋمدا قازاقستاندىق جانە حالىقارالىق بيزنەس پەن ۇيىمداردا باسشىلىق قىزمەتتە جۇرگەن ايەلدەر ءسوز الىپ, ىسكەرلىك سالاداعى ءوز تاجىريبەلەرىمەن بولىسۋدە.
ەڭ كوپ تالقىعا ءتۇسىپ وتىرعان تاقىرىپ – بيزنەس-ورتانىڭ تۇيتكىلدى ماسەلەلەرى, ەكونوميكالىق ساياسات, قالانىڭ ىشكى قۇرىلىمى مەن ەكولوگيا, سالالىق كاسىپتەر مەن شاعىن جانە ورتا بيزنەستىڭ جايى.
ال «جاھاندىق ەكونوميكالىق جاعداي. باسقارۋ ىسىندەگى ايەلدەردىڭ ءرولى» ديسكۋسسياسىنا قازاقستان حالىق بانكى باسقارما ءتورايىمى ءۇمىت شاياحمەتوۆا, China CITIC Bank ديرەكتورلار كەڭەسىنىڭ ءتورايىمى لي تسينپين, گونكونگ ىسكەر ايەلدەرى كەڭەسىنىڭ جەتەكشىسى كلەر لو, Hewlett Packard Enterprise قازاقستان, قىرعىزستان كومپانياسىنىڭ باس ديرەكتورى دانا التىباەۆا, «قازاقستان تۇتىنۋشىلار ليگاسى» رقق پرەزيدەنتى سۆەتلانا رومانوۆسكايا قاتىستى.
سپيكەرلەر ءىت-سالا مەن بانك سفەراسىنداعى وزگەرىستەردى, الەمدىك ۆاليۋتالىق نارىقتاعى جاعدايلاردى ورتاعا سالدى.
«مەگاپوليس ءومىرى: كاسىپكەرلىك, ەكولوگيا, مادەنيەت, سپورت» تاقىرىبىن تالقىلاعان جيىندا الماتى قالاسىنىڭ ەكولوگيالىق ماسەلەلەرى مەن ينفراقۇرىلىمى جانە ونىڭ شەشۋدىڭ جولدارى قاراستىرىلدى. فورۋمعا قاىتىسۋشىلاردىڭ ويىنشا, الماتىنىڭ ەكولوگيالىق ماسەلەنى شەشۋ ءۇشىن بيلىك پەن قوعام مامىلەگە كەلۋى ءتيىس.
سونداي-اق «Women in business» فورۋمى الاڭىندا wellness, fashion, restoclub يندۋسترياسىنا قاتىستى ماستەر-كلاسستار مەن سەمينارلار ءوتىپ جاتىر.
قارجىنى, بەدەلدى جانە تايم-مەنەدجمەنتت باسقارۋعا تۋرالى تاجىريبەلىك دارىستەر ۇلكەن قىزىعۋشىلىق تۋعىزىپ وتىر.
ايناش ەسالي,
«Egemen Qazaqstan»
الماتى