بۇل تۋرالى وڭىرلىك كوممۋنيكاتسيالار قىزمەتىنىڭ كوشپەلى باسپاسوز كونفەرەنتسياسىندا «اقتوبە» الەۋمەتتىك – كاسىپكەرلىك كورپوراتسياسى ۇك اق-نىڭ باسشىسى ءانۋار ماحانوۆ مالىمدەدى.
«اقتوبە» اكك اقتوبە وبلىسىنىڭ دامۋ نۇكتەلەرىندە ەكونوميكالىق بەلسەندىلىكتى ىنتالاندىراتىن, سونىڭ ىشىندە ينۆەستيتسيالاردى تارتا وتىرىپ, باسەكەگە قابىلەتتى, ورنىقتى وندىرىستەردى قالىپتاستىرۋدىڭ كاتاليزاتورى رەتىندە ارەكەت ەتەتىن وڭىرلىك دامۋ ينستيتۋتى بولىپ تابىلادى.
سپيكەردىڭ ايتۋىنشا, قازىرگى ۋاقىتتا ينۆەستورلارعا قىزمەت كورسەتۋ ورتالىعى شاعىن جانە ورتا بيزنەس پەن اگروونەركاسىپتىك كەشەنى, جەر قويناۋىن پايدالانۋ جانە ت.ب. سالالارىندا ىسكە اسىرىلاتىن 35 ينۆەستيتسيالىق جوبانى قولدايدى.
ء«بىز ينۆەستيتسيالار اعىنىن ىنتالاندىرۋدى ارتتىرۋ ماقساتىندا «اقتوبە» يندۋستريالىق ايماعى اۋماعىندا ارنايى ەكونوميكالىق ايماق قۇرۋدىڭ تەحنيكالىق-ەكونوميكالىق نەگىزدەمەسىن ازىرلەپ جاتىرمىز. اتالمىش جوبا وبلىس كورسەتكىشتەرىنىڭ ودان ءارى دامۋى مەن ەكونوميكالىق وسۋىنە, سونىڭ ىشىندە مەتاللۋرگيا, مۇناي-حيميا, ماشينا جاساۋ جانە جالپى قۇرىلىس يندۋسترياسى سالالارىنىڭ قازىرگى زامانعى وندىرىستەرىن قۇرۋعا باعىتتالعان. ارنايى ەكونوميكالىق ايماق شەڭبەرىندە قۇرىلاتىن قولايلى جاعدايلار 2018-2023 جىلدارعا ارنالعان ۇلتتىق ينۆەستيتسيالىق ستراتەگياعا سايكەس ترانسۇلتتىق كورپوراتسيالار مەن زاكىرلى ينۆەستورلار قاتارىنان ءىرى ينۆەستورلاردى تارتۋعا مۇمكىندىك بەرەدى», - دەدى ءانۋار ماحانوۆ.
قازىرگى ۋاقىتتا يندۋستريالىق ايماقتا قۇنى 96,8 ملرد.تەڭگە بولاتىن 23 جوبا ىسكە اسىرىلىپ, 2 مىڭنان استام جۇمىس ورنى اشىلدى.
«يندۋستريالىق ايماق اۋماعىندا جۇمىس جاسايتىن 5 كاسىپورىن 2018 جىلى 1 ملرد.تەڭگەدەن استام سوماعا ءونىم ءوندىردى. بيىلعى جىلدىڭ ىشىندە 7 جوبانى ىسكە قوسۋ جوسپارلانىپ وتىر, ونىڭ ىشىندە اۆتوموبيل شينالارىن قالپىنا كەلتىرۋ, پوليەتيلەن قاپتامالارىن, لاك-بوياۋ ونىمدەرىن وندىرەتىن كاسىپورىن, سونداي-اق «Aktobe Smart Tech» جشس دەرەكتەردى وڭدەۋ ورتالىعى اشىلادى. جالپى ينۆەستيتسيا سوماسى 68 ملرد. تەڭگە بولاتىن جانە 1381 جۇمىس ورنىن قۇراتىن تاعى 11 جوبا بويىنشا تەحنيكالىق-ەكونوميكالىق نەگىزدەمە ازىرلەنۋدە», - دەدى سپيكەر.
ايتا كەتەيىك, «اقتوبە» اكك باسشىلىعى كەلەشەگى بار جانە جوعارى تەحنولوگيالىق جوبالاردى جۇزەگە اسىرۋ بويىنشا كەلىسسوزدەر جۇرگىزۋدە. ولاردىڭ قاتارىندا ەلەكتر قوزعالتقىشتارىن, كوممۋنالدىق جانە اۋىل شارۋاشىلىعى تەحنيكاسىن, گەومبرانالىق ماتەريالداردى, اۋىل شارۋاشىلىعى تەحنيكاسىن, گيدراۆليكالىق جابدىقتاردى ءوندىرۋ, سونداي-اق جۇك ۆاگوندارىن قۇراستىرۋ زاۋىتىن, اۆتوبۋستاردى ءىرى توراپتىق قۇراستىرۋ كەشەنىن سالۋ جوبالارى بار. 2020 جىلعا قاراي قۇنى 36,5 ملرد تەڭگە بولاتىن اتالعان جوبالاردى ىسكە اسىرۋ يندۋستريالىق ايماق اۋماعىنىڭ 100% - ىن تولتىرۋعا مۇمكىندىك بەرەدى.