بىلتىر «Zhas project» جاستار كورپۋسىن دامىتۋ جوباسى اياسىندا 165 اقتوبەلىك جاس وزدەرىنىڭ بيزنەس يدەيالارىن جۇزەگە اسىرۋعا مۇمكىندىك الىپ, كاسىپكەر اتاندى. رەسپۋبليكالىق جوبا جەڭىمپازدارى كۇشتى اسەر تۋعىزىپ, ولاردىڭ جەتىستىگى ودان دا كوپ ادامدى تارتتى. سوندىقتان جوبانى جالعاستىرۋ ءۇشىن بيىل جەرگىلىكتى بيۋدجەتتەن 40 ملن تەڭگە بولىنبەك. بۇدان باسقا, اقتوبەدە جاستاردىڭ باستامالارىنا كومەكتەسەتىن ارنايى تالىمگەرلەر وقىتىلدى.
ميلليونعا تاتيتىن ارمان
ەگەر سەن ءۇي شارۋاسىنداعى ايەل بولساڭ, وتباسىڭدى جاڭا پىسكەن كوكونىسپەن قالاي قامتاماسىز ەتۋگە بولادى جانە مۇقتاج جاندارعا قالاي كومەكتەسۋ كەرەك؟ بۇل سۇراقتى ايتەكە اۋدانىنىڭ كومسومول اۋىلىندا تۇراتىن 23 جاستاعى گۇلشات ابدىبەكوۆا دا قويعان. ونىڭ ءومىرى «Zhas project» جوباسىنىڭ ارقاسىندا تۇبەگەيلى وزگەردى. وسىدان ءبىر جىل بۇرىن جاس انا ءوزىنىڭ جاڭادان باستاپ كەلە جاتقان كاسىپكەرگە اينالاتىنىن ەلەستەتە دە الماعان.
گۇلشاتتىڭ ءار كۇنىنىڭ مينۋتى دا بوس ەمەس. دەمالاتىن ۋاقىت جوق, بارىنە كومەكتەسۋ كەرەك,- دەيدى ول. ەكى بالانىڭ اناسى جوباعا قاتىسىپ, جىلىجاي سالادى دا جۋا بيزنەسىن جولعا قويادى. جۇيەكتەر كۇنىنە شامامەن 5-6 باس جۋا بەرەدى. ابدىبەوۆتەر وتباسى وزدەرىنە شامالىسىن عانا الىپ قالىپ, قالعاندارىن مۇقتاج جاندارعا بەرەدى, بالاباقشالار مەن مەكتەپتەرگە اپارادى.
«جىلىجاي سالۋ ويى كەنەتتەن كەلدى. جولداسىم ەكەۋمىزدىڭ العان ءتيىستى ءبىلىمىمىز جوق. ءىستىڭ كەيبىر قۋلىقتارىن ينتەرنەتتەن قارادىق, كەيبىرىن ادامدار ايتتى. ەندى ءبىزدىىڭ اۋىلداستارىمىزدىڭ داستارحانىندا ءاردايىم جاڭا پىسكەن پياز بولادى», - دەپ ءبولىستى ءىسىن جاڭادان باستاپ كەلە جاتقان كاسىپكەر كەلىنشەك.
كوك جۋا ءوسىرۋ كەزىندەگى قيىندىقتار تەك باسىندا عانا بولعان. جۋا ءوسىرۋ ماماندىعىنا اۋىسۋعا تاجىريبە كومەكتەسىپتى. بۇگىندە گۇلشاتتىڭ اۋلاسىندا ءبىر عانا كوشەتحانا تۇر, بىراق تاعى بىرنەشەۋىن ساتىپ الۋعا قاراجات بار. جاس كاسىپكەر سوندا باسقا كوكونىستەرمەن دە اينالىسۋعا بولاتىنىنا سەنىمدى. بويجەتكەن قىزان مەن قيار ءوسىرۋدى ارماندايدى.
«مەن وزىمە ۇران تاستادىم»
27 جاستاعى اقتوبەلىك گۇلفايرا رامازانوۆا ارباداعى جانداردىڭ ىشكى قيىندىقتارىن ەڭسەرىپ, سۇيىكتى ىسىن باستاۋلارى قانشالىقتى قيىن ەكەنىن جاقسى بىلەدى. گۇلفايرا – بالا كۇنىنەن مۇگەدەك. بويجەتكەن وزگەلەرگە كومەكتەسۋ ءۇشىن دياگنوزىنىڭ كەدەرگى ەمەستىگىنە سەنگەن. الايدا وسى ۋاقىتقا دەيىن قالاي جاردەم بەرۋگە بولاتىنىن بىلمەپتى.
شابىت «Zhas project» جاستار جوباسى تۋرالى ەستىگەندە پايدا بولعان. اقتوبەلىك قىز ءبىر ميلليون تەڭگە الىپ, جابدىقتار ساتىپ الادى دا ءوزىنىڭ فوتوشەبەرحاناسىن اشادى. ەندى گۇلفايرا مۇمكىندىگى شەكتەۋلى جاندار مەن اتا-انالارى قىمبات وقۋعا تۇسىرە المايتىن بالالاردى فوتوسۋرەت ونەرىنە وقىتىپ ءجۇر.
گۇلفايرا: «مەن وزىمە ۇران تاستادىم دا, ءوزىمنىڭ كوپ نارسەنى ىستەي الاتىنىمدى ءتۇسىندىم»,- دەيدى ماقتانىشپەن.
جيىرمادان استام ادام وقۋدان ءوتتى. ەندى اقتوبەلىك قىز يگى ءىسىن جالعاستىرۋ ءۇشىن ءوز بىلىكتىلىگىن ارتتىرعىسى كەلەدى.
«ادامدار مەنىڭ نەمەن اينالىساتىنىمدى بىلگەن كەزدە ولاردىڭ كوزدەرىندە بۇرىنعىداي مۇسىركەۋ ەمەس, تاڭعالۋ-ءتانتى بولۋ بايقالادى»,- دەيدى ول.
اقشانىڭ ورنىنا «راحمەت ايتادى»
راحات باقداۋلەتوۆتىڭ ءوز ءىسىن اشۋداعى قادامى الەۋمەتتىك جەلىلەردە جارناما تاراتۋدان باستالعان. وسىلايشا, ول ميلليونعا تاتيتىن مۇمكىندىك تۋرالى, گرانت, وقۋ مەن اي سايىنعى شاكىرتاقى تۋرالى بىلەدى. جوبانىڭ ارقاسىندا جاس جىگىت ويىل اۋىلىندا تىرەك-قوزعالىس اپپاراتى بۇزىلعان بالالاردى وڭالتۋ ءۇشىن يپپوتەراپيا ورتالىعىن اشتى. سونىمەن بىرگە ەرەكشە بالالاردى ەمدەۋ – تەگىن.
جىلقىلار تۇرعان اۋلا جەرگىلىكتى ەمحانانىڭ اۋماعىندا ورنالاسقان. كىشكەنتاي ەمدەلۋشىلەردىڭ «دارىگەرلەرى» - راحات ساتىپ العان ەكى جىلقى. راحاتتىڭ ءوزى بۇرىنعى جۇمىسىن تاستاماعان, ول ءالى دە دەنە شىنىقتىرۋ پانىنەن ساباق بەرەدى. «نەگە جىلقىلار» دەگەن سۇراققا جاس جىگىت: «بۇل قازاقتىڭ قانىندا بار», - دەپ ك ۇلىپ جاۋاپ بەرەدى.
بۇگىندە يپپوتەراپيا ورتالىعىنا جيىرما ەرەكشە بالا بارىپ ءجۇر. اۋىلدا 24 جاسار جىگىتتىڭ قايىرىمدىلىعى جايلى ءبارى بىلەدى. بىراق ول اتاقتىڭ قاجەت ەمەستىگىن, تەك قولىنان كەلەتىن ءىستى عانا جاساپ جاتقانىن ايتادى.