الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنداعىلاردىڭ مالىمەتىنشە, سوڭعى بىرنەشە ايدا قالا كوشەلەرىن جارىقتاندىرۋدىڭ 30 پايىزى بۇرىنعى گاز شىعاراتىن شامداردان جارىقديودتى ءارى ەنەرگيا ۇنەمدەۋشى شامدارعا اۋىستىرىلعان.
قىسقا مەرزىم ىشىندە تاعى دا 1400 كم سىرتقى جارىقتاندىرۋ جەلىلەرىن جاڭعىرتۋ ءىسى جوسپارلانىپ وتىر. ياعني قالا كوشەلەرىنە 42 مىڭنان استام تسيليندرلىك جانە شامامەن 46 مىڭ LED شامدارى ورناتىلادى.
قازىر جۇمىس ىستەپ تۇرعان قىزدىرۋ شامدارىنىڭ ايىرماشىلىعى «جىلىتۋ» ءۇشىن بەلگىلى ءبىر ۋاقىت قاجەت بولعاندا, جارىقديودتار كورسەتىلگەن رەجيمگە اۆتوماتتى تۇردە وتەدى. جارىقديودتى شامداردىڭ جارىق بەرۋى جارىق اعىنىنىڭ پارامەترلەرىنە تەڭ جاعدايدا گاز شىعاراتىن لامپالاردان 2,5 ەسەگە تومەن.
«بۇل شامدار جوعارى ءارى الۋان ءتۇرلى ءتۇس جىبەرۋمەن ەرەكشەلەنەدى. ولاردىڭ ەڭ تومەنگى كوەففيتسيەنتى 70±10 Rا قۇرايدى. سول ناتري شامدارىندا بۇل كورسەتكىش ۇشتەن تومەن. LED ءوزىنىڭ جوعارعى ونىمدىلىگىمەن زاتتاردى تابيعي تۇردە كورۋگە مۇمكىندىك بەرەدى. بۇل كولىك جۇرگىزۋشىلەرى ءۇشىن اسا قولايلى», – دەيدى ماماندار.
ارمان وكتيابر,
«ەگەمەن قازاقستان»
الماتى