استانا قالاسىنىڭ اكىمى باقىت سۇلتانوۆ قورشاعان ورتانى قورعاۋ سالاسىنداعى ەكى باسىمدىقتى اتادى. بۇل تۋرالى استانا اكىمدىگىنىڭ ءباسپاسوز قىزمەتى حابارلادى.
«ادامدار اۋانى لاستاماۋ ءۇشىن كولىكپەن از, جاياۋ كوبىرەك ءجۇرۋى كەرەك», – دەدى اكىم تۇرعىندارعا ەسەپ بەرۋ بارىسىندا. ب. سۇلتانوۆتىڭ ايتۋىنشا, كوكتال-1, كوكتال-2, وڭتۇستىك-شىعىس تۇرعىن ءۇي الاپتارى مەن جەلەزنودوروجنىي كەنتىن گازداندىرۋ زياندى شىعارىندىلاردى قىسقارتۋعا ەداۋىر مۇمكىندىك بەرەدى. ء«بىز قىستىگۇنى بولاتىن تۇمشا تۋرالى ايتىپ وتىرمىز.
قوقىس جونىندە: قۇرمەتتى قالالىقتار, سىزدەردەن ونى سۇرىپتاپ جيناۋدى سۇرايمىن. وزدەرىڭىز ويلاپ كورىڭىزدەرشى, ءبىر تاۋلىكتە مىڭنان استام توننا قوقىس شىعارىلادى», – دەدى اكىم. ول, سونىمەن قاتار, قالا اينالاسىندا 10 ملن اعاش ءوسىپ تۇرعانىن, وسى جىلى تاعى جارتى ميلليون كوشەت وتىرعىزىلاتىنىن مالىمدەدى. جىل سوڭىنا دەيىن بەس گۇل باعى پەن ەكى جەلەكجول سالىنباق.