سىرتقى ىستەر مينيسترلىگىندە مينيستر بەيبىت اتامقۇلوۆتىڭ توراعالىعىمەن «ادامي ولشەم جونىندەگى ديالوگ الاڭى» كونسۋلتاتيۆتىك-كەڭەس ورگانىنىڭ (ككو) اعىمداعى جىلدىڭ العاشقى وتىرىسى ءوتتى.
سىرتقى ساياسي ۆەدومستۆوسىنىڭ باسشىسى ءوز سوزىندە قازاقستانداعى ماڭىزدى الەۋمەتتىك-ساياسي ۇدەرىستەردى تالقىلاۋعا ارنالعان ديالوگ الاڭى رەتىندە ككو-نىڭ بىرەگەيلىگىن اتاپ ءوتتى. ككو مەملەكەتتىك ساياساتتىڭ اشىقتىعى مەن ازاماتتىق قوعاممەن ديالوگ ورناتۋ بەيىلدىلىگىنىڭ كورىنىسى بولىپ تابىلادى.
ككو قالىپتاسقان ساتتەن باستاپ, تالقىلاۋلاردىڭ مازمۇنى مەن وزەكتىلىگى ەشقاشان تومەندەمەگەن ەمەس, كەرىسىنشە قوزعالاتىن تاقىرىپتارعا دەگەن تاۋەلدىلىگى ارتىپ, كونسترۋكتيۆتى باعىتىمەن ەرەكشەلەنە ءتۇستى.
«بۇگىنگى تاڭدا قازاقستان رەسپۋبليكاسى ادام قۇقىقتارىن كوتەرمەلەۋ جانە قورعاۋ سالاسىنداعى بارلىق نەگىزگى حالىقارالىق قۇرالداردىڭ قاتىسۋشىسى بولىپ تابىلادى. بۇل مەملەكەتىمىزدىڭ ادام قۇقىقتارىن قورعاۋ قۇندىلىقتارى مەن قاعيداتتارىنا, سونداي-اق ادام قۇقىقتارىن قورعاۋدىڭ ۇلتتىق جۇيەسىن دايەكتى جەتىلدىرۋ ۇستانىمىن كورسەتەتىنى ءسوزسىز», - دەپ اتاپ ءوتتى مينيستر.
قازاقستاندىق قۇقىق قورعاۋشىلار ءوز كەزەگىندە ككو-نىڭ جۇمىسىنا تولىققاندى قولداۋ كورسەتىپ, قازاقستاندىق مەملەكەتتىك ورگاندارعا سىندارلى جۇمىس اتقارعانى ءۇشىن ريزاشىلىعىن ءبىلدىردى. قازاقستاندىق ۇەۇ-دىڭ قاتىسۋشىلارى ءوز سوزىندە ككو-نىڭ ءرولىن جانە ككو-نىڭ شەڭبەرىندە تالقىلاناتىن ادام قۇقىقتارىن قورعاۋ اسپەكتىلەرىن ءىس جۇزىندە جۇزەگە اسىرۋدىڭ ماڭىزدىلىعىن اتاپ ءوتتى.
ءىس-شارانىڭ كۇن تارتىبىنە سايكەس, ككو-نىڭ 2019 جىلعا ارنالعان جۇمىس جوسپارى قابىلداندى. مەملەكەتتىك ورگاندار مەن ۇكىمەتتىك ەمەس ۇيىمداردىڭ وكىلدەرى ۇستىمىزدەگى جىلى اتقارىلاتىن بىرلەسكەن جۇمىسقا ناقتى ۇسىنىستار ەنگىزدى.
وتىرىس بارىسىندا قاتىسۋشىلار ككو-نىڭ 2018 جىلى اتقارعان جۇمىسىنا قورىتىندى جاسادى جانە امبەباپ جان-جاقتى مەرزىمدى شولۋ شەڭبەرىندە ادامي ولشەم سالاسىنداعى ۇسىنىمداردىڭ ىسكە اسىرۋ بارىسىن تالقىلادى.
وتىرىسقا قر پارلامەنتى ءماجىلىسىنىڭ دەپۋتاتتارى, سونداي-اق مەملەكەتتىك ورگانداردىڭ وكىلدەرى قاتىستى. ءداستۇرلى تۇردە ازاماتتىق سەكتورى دا كەڭىنەن قاتىستى.
بايقاۋشى رەتىندە بۇۇ جانە ەقىۇ ۇيىمداردىڭ وكىلدەرى قاتىستى.