«الماتى وبلىسىندا جالپى كولەمى 4192,5 گەكتاردى قۇرايتىن 6 يندۋستريالىق ايماقتى دامىتۋ بويىنشا جۇمىس جۇرگىزىلۋدە» دەدى وبلىس اكىمى ا. باتالوۆ تۇرعىندارمەن ەسەپتى كەزدەسۋىندە.
اكىمنىڭ ايتۋىنشا بۇگىندە «تالدىقورعان» يندۋستريالىق ايماعىنىڭ ينفراقۇرىلىمىن سالۋ جۇمىسى اياقتالعان. ال «قايرات» يندۋستريالىق ايماعىنداعى جۇمىستار جالعاسۋدا. وسى باعىتتا بورالداي» يندۋستريالىق ايماعىنىڭ تەحنيكالىق-ەكونوميكالىق نەگىزدەمەسى دايىندالىپ, «بەرەكە» يندۋستريالىق ايماعىنىڭ ينفراقۇرىلىمىن دامىتۋ جوباسى باستالدى. سونداي-اق, «قازبەك بەك», «ارنا» يندۋستريالىق ايماقتارىنىڭ تەحنيكالىق ەكونوميكالىق نەگىزدەمەلەرى ازىرلەنۋدە.
قالماحانبەت مۇقامەتقالي,
«Egemen Qazaqstan»
الماتى وبلىسى