پرەزيدەنت تاپسىرمالارىن ورىنداۋ اياسىندا قازاقستاندا جاڭا تاريف كەستەسى ەنگىزىلىپ, تابيعي مونوپوليالار سۋبەكتىلەرى جۇمىسىنىڭ ايقىندىعىن ارتتىرۋ, سونداي-اق تۇتىنۋشىلار قۇقىقتارىن قورعاۋ قوعامدارىن كۇشەيتۋ شارالارى قابىلداندى. تۇتىنۋشىلار نەنى ءبىلۋى كەرەك جانە تۇتىناتىن قىزمەتتەر كولەمىن قالاي تومەندەتۋگە بولاتىنى تۋرالى PrimeMinister.kz-كە بەرگەن سۇحباتىندا قر ۇلتتىق ەكونوميكا ۆيتسە-ءمينيسترى سەرىك جۇمانعارين ايتىپ بەردى.
ۆيتسە-ءمينيستردىڭ ايتۋىنشا, ۇسىنىلاتىن قىزمەتتەردىڭ ساپاسى مەن تاريف قالىپتاستىرۋدىڭ ايقىندىعىن قامتاماسىز ەتۋ ماقساتىندا تۇرعىن ءۇي-كوممۋنالدىق شارۋاشىلىق جۇيەسىندە تسيفرلىق تەحنولوگيالار ەنگىزىلىپ جاتىر, ولار اتالعان قىزمەت كورسەتۋ سالاسىن ەداۋىر جاڭعىرتۋعا مۇمكىندىك بەرەدى.
«ەلباسى جاقىندا جاڭا زاڭعا قول قويدى, ول بۇگىندە كۇشىنە ەنگەن, وندا وتە كوپ قوسىمشا بار. ەندى تابيعي مونوپوليالار سۋبەكتىلەرى وتىنىمدەردى تەك ەلەكتروندى فورماتتا بەرەتىن بولادى. ەگەر ادامنىڭ قانداي دا ءبىر باستاپقى ەكونوميكالىق ءبىلىمى بولسا, وندا ول سول ءوتىنىمدى قاراپ, ءوز ەسكەرتۋلەرىن ايتا الادى», — دەدى س. جۇمانعارين.
ەلىمىزدىڭ بارلىق وڭىرلەرىندە 102 قوعامدىق قابىلداۋلار اشىلدى, ولار حالىق تاراپىنان تۇسەتىن شاعىمدار مەن ۇسىنىستاردى قابىلدايدى, ولاردىڭ ناتيجەسى بويىنشا ءتيىستى تەكسەرۋ جۇمىستارى جۇرگىزىلەدى. بۇدان وزگە, تۇتىنۋشىلاردىڭ قۇقىقتارىن قورعاۋ قوعامدارىن نىعايتۋ جۇمىستارى قولعا الىنعان. ەندى ءاربىر وڭىردە كەمىندە 3 قوعام جۇمىس ىستەيتىن بولادى, سونداي-اق ەكونوميكالىق نەمەسە قۇقىقتىق ءبىلىمنىڭ بولۋىنا بايلانىستى بىلىكتىلىك تالاپتارى ەنگىزىلدى.
ۇلتتىق ەكونوميكا ۆيتسە-ءمينيسترى كوممۋنالدىق قىزمەتتەر باعاسىندا نەگىزگى ۇلەستى جىلۋدى تاريفتەۋ الاتىنىن اتاپ ءوتتى. وسىعان وراي, س. جۇمانعارين ازاماتتارعا جىلۋ مەن ەلەكتر قۋاتىن ۇنەمدەۋدىڭ قاراپايىم تاسىلدەرى تۋرالى بىرنەشە كەڭەس بەردى.
«بىزدە ءتاريفتى سارالاۋ جۇمىستارى جۇرگىزىلىپ جاتىر, ياعني جىلۋدى ەسەپتەۋدىڭ ۇيگە ورتاق قۇرالدارى بار ازاماتتار, ونى ورناتپاعاندارعا قاراعاندا ازىراق اقى تولەيدى. سوندىقتان دا ارنايى قۇرىلعىنى ساتىپ الىپ, ونى ورناتۋدى تالاپ ەتۋ قاجەت, ويتكەنى وندا مۇلدەم باسقا تاريفتەر كورسەتىلگەن, ولار الدەقايدا تومەن», — دەدى ۇلتتىق ەكونوميكا ۆيتسە-ءمينيسترى.
بۇعان قوسا, س. جۇمانعارين استانادا ۇيلەردىڭ 99%-ندا قوندىرعى ورناتىلعانىن ايتتى.
سونىمەن قاتار, ۇلتتىق ەكونوميكا ۆيتسە-ءمينيسترى ۇيدەگى ەنەرگيا كوزدەرىن بارىنشا ۇنەمدى نۇسقالارعا الماستىرۋعا كەڭەس بەردى.
«بۇل – قاراپايىم زاتتار, ماسەلەن, ۇيدە شامداردى اۋىستىرۋ, ياعني 8–12 ۆاتتى زاماناۋي ۇنەمدى شامداردى پايدالانۋ قاجەت. جارىق شىعارۋ دەڭگەيى دە تۋرا سونداي, تىپتەن ولاردىڭ كەپىلدىگى بار. جىلۋ مەن ەلەكتر ەنەرگياسى – بۇلار قاراجاتتى كوپ تالاپ ەتەتىن قىزمەتتەر, ماسەلەن, قايناتۋ ۇزاقتىعى بىردەي, دەگەنمەن قۋات كوزىن از تۇتىناتىن شاينەك ساتىپ الۋعا بولادى. جالپى, قانداي دا ءبىر تەحنيكانى ساتىپ العان كەزدە, ەنەرگيا تۇتىنۋ دەڭگەيىنە قاراپ الۋ كەرەك», — دەپ تۇيىندەدى س. جۇمانعارين.