قاراعاندى وبلىسىندا توتەنشە جاعدايلار جونىندەگى دەپارتامەنتتىڭ باستاماسى بويىنشا از قامتىلعان وتباسىلاردىڭ جەر ۇيلەرىنە ۋلى گاز حابارشىلارى (داتچيكتەر) تەگىن ورناتىلا باستادى.
ازىرگە 40 ۇيگە حابارشى قويىلدى. بۇل قۇرىلعىلاردى ساتىپ الۋعا قىزىل جارتى اي قوعامدىق بىرلەستىگى مەن «اتامەكەن» ۇلتتىق كاسىپكەرلەر پالاتاسى قول ۇشىن بەرگەن. تج دەپارتامەنتىندەگىلەر حابارلاعانداي, ۋلى گاز حابارشىسىن ساتىپ الۋعا مەتسەناتتاردى جۇمىلدىرۋ ءىسى الداعى ۋاقىتتا دا جالعاسىن تاپپاق.
– بۇل داتچيكتەر اۋادا ۋلى گاز تارالسا, دىبىستىق سيگنال بەرە باستايدى. ولار تەك جەكە ۇيلەردىڭ تۇرعىندارىنا عانا ەمەس, سونىمەن قاتار كوپقاباتتى ۇيلەردە تۇراتىن ادامدار ءۇشىن دە پايدالى, – دەيدى تج دەپارتامەنتىنىڭ ءباسپاسوز حاتشىسى جاننا داۋرەنبەكوۆا.
قايرات ءابىلدا,
«ەگەمەن قازاقستان»
قاراعاندى