قازگيدرومەت ەلىمىزدىڭ بىرقاتار وڭىرىندە ەسكەرتۋ جاريالادى

18-20 اقپان ارالىعىندا استانادا جاياۋ بۇرقاسىن سوعىپ, كوكتايعاق بولادى, جەل وڭتۇستىكتەن, وڭتۇستىك-باتىستان 15-20 م/س جىلدامدىقپەن سوعادى.

اقمولا وبلىسىنىڭ كەي جەرلەرىنە تۇمان ءتۇسىپ, كوكتايعاق, جاياۋ بۇرقاسىن بولادى, جەل وڭتۇستىكتەن, وڭتۇستىك-باتىستان 15-20 م/س جىلدامدىقپەن سوعادى, ەكپىنى 25 م/س-قا دەيىن جەتۋى مۇمكىن.

كوكشەتاۋ جولدارىندا كوكتايعاق بولۋى ىقتيمال.

ماڭعىستاۋ وبلىسىنىڭ كەي جەرلەرىنە تۇمان ءتۇسىپ, كوكتايعاق بولادى, جەل سولتۇستىك-باتىستان سەكۋندىنا 15-20 مەتر جىلدامدىقپەن سوعادى, ەكپىنى - 20 م/س.

اقتاۋدا كۇندىز سولتۇستىك-باتىستان جىلدامدىعى 15-20 م/س جەل سوعۋى مۇمكىن.

اقتوبە وبلىسىنىڭ كەي جەرلەرىندە بوران سوعىپ, تۇمان تۇسەدى, كوكتايعاق بولادى, جەل وڭتۇستىكتەن, وڭتۇستىك-باتىستان سوعادى, ونىڭ جىلدامدىعى تۇندە كەي جەرلەردە جانە كۇندىز وبلىس اۋماعىنىڭ باسىم بولىگىندە 15-20 م/س بولادى. اقتوبەدە كۇندىز بوران بولىپ, جەل وڭتۇستىكتەن, وڭتۇستىك-باتىستان 15-20 م/س جىلدامدىقپەن سوعادى.

تۇركىستان وبلىسىندا تاۋلى اۋداندارعا مول جاۋىن-شاشىن جاۋادى, كەي جەرلەرگە تۇمان ءتۇسىپ, كوكتايعاق بولۋى مۇمكىن. وڭتۇستىك-باتىستان سوققان جەلدىڭ جىلدامدىعى كەي جەرلەردە سەكۋندىنا 15-20 مەتر, ەكپىنى 25 م/س بولۋى ىقتيمال.

شىمكەنتكە تۇمان تۇسەدى, جەل وڭتۇستىك-باتىستان 15-20 م/س جىلدامدىقپەن سوعادى. تۇركىستانعا تۇمان تۇسەدى.

قوستاناي وبلىسىنىڭ كەي جەرلەرىندە بوران سوعىپ, تۇمان تۇسەدى, كوكتايعاق بولادى, جەل وڭتۇستىك-باتىستان 15-20 م/س جىلدامدىقپەن سوعادى. قوستانايدا بوران بولىپ, جەل وڭتۇستىك-باتىستان 15-20 م/س جىلدامدىقپەن سوعادى.

قىزىلوردا وبلىسىندا جەل وڭتۇستىكتەن, وڭتۇستىك-باتىستان, كەي جەرلەردە تۇندە سەكۋندىنا 15-20 مەتر, كۇندىز 15-20 م/س جىلدامدىقپەن سوعۋى مۇمكىن, ەكپىنى 25 م/س-قا دەيىن جەتەدى.

باتىس قازاقستان وبلىسىنىڭ كەي جەرلەرىندە بوران سوعىپ, تۇمان ءتۇسۋى ىقتيمال, جەل سولتۇستىك-باتىستان, باتىستان 18-23 م/س جىلدامدىقپەن سوعادى. ورالدا بوران سوعۋى مۇمكىن, تۇمان ءتۇسىپ, كوكتايعاق بولادى, جەل سولتۇستىك-باتىستان سەكۋندىنا 18 مەتر جىلدامدىقپەن سوعادى.