سارىارقا اۋدانىنىڭ اكىمى بولىپ ەرعالي ەگەمبەردى تاعايىندالدى. بۇل تۋرالى ەلوردا اكىمدىگىنىڭ رەسمي سايتى حابارلادى.
استانا اكىمى باقىت سۇلتانوۆ قالالىق ماسليحاتقا سارىارقا اۋدانى اكىمىنىڭ قىزمەتىنە ەرعالي ەگەمبەردىنىڭ كانديداتۋراسىن ۇسىندى. دەپۋتاتتار بۇل ۇسىنىستى ءبىراۋىزدان ماقۇلدادى.
شاھار باسشىسى ەرعالي ەگەمبەردىنىڭ ورتالىق مەملەكەتتىك ورگاندارداعى جانە وڭىرلەردەگى كاسىپتىك جۇمىس تاجىريبەسىن اتاپ ءوتىپ, ونى جاڭا قىزمەتكە تاعايىندالۋىمەن قۇتتىقتادى.
«ەرعالي ەگەمبەردىنىڭ مەملەكەتتىك قىزمەتتە ۇلكەن تاجىريبەسى بار. ول ءوزىن جاۋاپكەرشىلىگى مول ءارى ءوز جۇمىسىن بىلەتىن جەتەكشى رەتىندە تانىتا ءبىلدى. جاڭا اكىم ءوز مىندەتىن جاقسى اتقارادى دەپ ويلايمىن», - دەدى باقىت سۇلتانوۆ.
ەرعالي قۋاندىق ۇلى ەگەمبەردى شىمكەنت قالاسىندا 1977 جىلى دۇنيەگە كەلگەن. قازاق مەملەكەتتىك زاڭ اكادەمياسىن, ل.ي. گۋميلەۆ اتىنداعى ەۋرازيا ۇلتتىق ۋنيۆەرسيتەتىن, ەۇۋ ديپلوماتيالىق اكادەمياسىن, بوستون ۋنيۆەرسيتەتىن (اقش) تامامداعان. «بولاشاق» باعدارلاماسىنىڭ تۇلەگى, مەملەكەتتىك باسقارۋ ماگيسترى, ساياسي عىلىمداردىڭ كانديداتى.
ەڭبەك جولىن 1998 جىلى استانا قالاسى اكىمدىگىندە قارجى دەپارتامەنتىنىڭ باس مامانى بولىپ باستادى.
2001-2004 جىلدار ارالىعىندا استانا قالاسى اكىمى اپپاراتى مەملەكەتتىك-قۇقىقتىق ءبولىمىنىڭ باس مامانى, «استانا - جاڭا قالا» ەەا ءبولىمىنىڭ باسشىسى, ەلوردانىڭ ساۋدا باسقارماسى باسشىسىنىڭ ورىنباسارى, استانانىڭ تۇرعىن ءۇي دەپارتامەنتى باسشىسىنىڭ ورىنباسارى بولىپ جۇمىس ىستەدى.
2004-2006 جىلدار ارالىعىندا - استانا قالاسى سارىارقا اۋدانى اكىمىنىڭ ورىنباسارى.
2006 جىلى قاراعاندى وبلىسى بىررەتتىك تالونداردى بەرۋ باسقارماسىنىڭ باسشىسى قىزمەتىنە تاعايىندالدى.
2007 جىلى - قاراعاندى قالاسى اكىمىنىڭ ورىنباسارى.
2008 جىلى - قاراعاندى قالاسى قازىبەك بي اۋدانىنىڭ اكىمى.
2009-2010 جىلدار ارالىعىندا - قاراعاندى وبلىسى اكىمى اپپاراتىنىڭ باسشىسى.
2010-2012 جىلدار ارالىعىندا قازاقستان رەسپۋبليكاسى پرەمەر-ءمينيسترى كەڭسەسىنىڭ ۇيىمداستىرۋ جۇمىسى جانە اۋماقتىق دامۋ ءبولىمىنىڭ باس ينسپەكتورى لاۋازىمىندا بولدى.
2012 جىلى - قازاقستان رەسپۋبليكاسى ءماجىلىسى اپپاراتىنىڭ باسشىسى.
2012-2014 جىلدار ارالىعىندا - قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى.
2014-2017 جىلدار ارالىعىندا - قازاقستان رەسپۋبليكاسى دەنساۋلىق ساقتاۋ جانە الەۋمەتتىك قورعاۋ ۆيتسە-ءمينيسترى.
2017 جىلدان 2018 جىلعا دەيىن - استانا قالاسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى.
2018 جىلدان 2019 جىلعا دەيىن - قازاقستان رەسپۋبليكاسى پرەزيدەنتى اكىمشىلىگى مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى. 4 مەرەيتويلىق جانە «ەرەن ەڭبەگى ءۇشىن» توسبەلگىلەرىمەن ماراپاتتالعان. ۇيلەنگەن, ءتورت بالانى تاربيەلەۋدە.