بيىل ە.ومىرزاقوۆ اتىنداعى وبلىستىق فيلارمونياعا 75 جىل تولادى. وبلىستا ءۇش كۇن بويى دۇرىلدەپ وتكەن ديريجەرلەر فورۋمىنىڭ سوڭعى قورىتىندى كونتسەرتىندە وبلىستىق مادەنيەت باسقارماسىنىڭ باسشىسى ەرلان قالماقوۆ وبلىستىق فيلارمونيانىڭ ديرەكتورى نازىمبەك مولداحمەتوۆكە اۆتوبۋس كىلتىن تاپسىردى. سونىمەن قاتار ول بيىل ونەر ۇجىمىنىڭ مەرەيتويى ۇلكەن تابىستارمەن اتالىپ وتەتىنىن جانە ماتەريالدىق جاعىنان نىعايا تۇسەتىنىن ايتتى.
– بيىل قوستاناي قالاسىنىڭ جاڭا تۇرعىن اۋدانىندا سالىنىپ جاتقان وبلىستىق فيلارمونيانىڭ عيماراتى تاپسىرىلادى. قوستانايلىقتار مەن قالا قوناقتارى كونتسەرتتى زاماناۋي كونتسەرت زالىندا وتىرىپ, تاماشالايتىن ۋاقىت تا الىس ەمەس. سونىمەن قاتار ارتىستەرگە جاڭا كوستيۋم دە ۇمىتىلمايدى, – دەدى ەرلان بولات ۇلى.
ال ۇجىمعا سىيعا تارتىلعان اۆتوبۋس ارتىستەرگە گاسترولگە شىعۋعا قاجەت. وندا بارلىق قولايلىلىق ەسكەرىلگەن.
ءنازيرا جارىمبەت,
«ەگەمەن قازاقستان»
قوستاناي