بيىلعى «جاستار جىلىنىڭ» اشىلۋ ءراسىمى كەزىندە مەملەكەت باسشىسى جاستارعا ەڭ قاجەتتىنىڭ ءبىرى –باسپانا ەكەنىن اتاپ كورسەتتتى. اقتوبە وبلىسىندا وسى ماسەلەنى رەتتەۋ مەن شەشۋگە بايلانىستى بىرەگەي باعدارلامالار بەلگىلەندى. سونىڭ ءبىرى –جاستار ساياساتى ماسەلەلەرى باسقارماسى مەن «تۇرعىن ءۇي قۇرىلىس جيناق بانكى» اق اراسىندا جاسالعان ەلىمىزدە ەشقانداي بالاماسى جوق جاسامپاز جوبا. بۇل باعدارلاما وبلىستىڭ 29 جاسقا دەيىنگى جاس تۇرعىندارىنا ارنالعان.
ونىڭ باستاپقى جارناسى نەبارى -350 مىڭ تەنگە توڭىرەگىندە. ال ءار اي سايىنعى تولەم 33 مىڭ تەنگەدەن اسپايدى. وسىلايشا الەۋمەتتىك جانە بيۋدجەتتىك سالادا قىزمەت اتقارىپ جۇرگەن وبلىس جاستارى الاڭى 55 شارشى مەتر پاتەرلەردى يپوتەكالىق تاسىلمەن ساتىپ الا الادى. تازا ارلەۋدەگى تۇرعىن ءۇيدىڭ ءار شارشى مەترىنىڭ قۇنى 100 مىڭ تەنگە. مۇنداي قولجەتىمدى باعا ولار ءۇشىن قارجىلىق تۇرعىدان وتە ءتيىمدى ەكەنى انىق.
تاعى ءبىر جاعىمدى جايتك جاڭا باسپاناعا يە بولۋ ءۇشىن ءوتىنىش بەرگەن جاستاردىڭ كۇتكەن قۋانىشتار ۇزاققا سوزىلعان جوق. اقپاننىڭ ەكىنشى ون كۇندىگىندە ولار جىلى دا جايلى, سىڭعىرلاعان سۋ جاڭا پاتەرلەردىڭ كىلتتەرىنە يە بولدى. بىرەگەي باعدارلامانى جۇزەگە اسىرۋدىڭ ەڭ العاشقى كەزەگىندە وعان وبلىستاعى ەلۋ جاس پەن جاس وتباسىلار قول جەتكىزدى. بۇگىنگى كۇنى وبلىستا جاستار جىلى قۇرمەتىنە ءار سايىن جاڭا باسپانالاردىڭ كىلتىن تاپسىرۋ جونىندە ءىس-شارالار كەشەنى بەلگىلەنگەن.
تەمىر قۇسايىن,
«ەگەمەن قازاقستان»
اقتوبە