قانداي قوعامدا بولماسىن, قايىرىمدىلىق پەن قولداۋدى قاجەتسىنەتىن جاندار بولماي تۇرمايدى. اسىرەسە مۇنداي كومەككە كوپ بالالى تۇرمىسى تومەن وتباسىلار, قامقورشىسىنان ايىرىلعان كوپ بالالى انالار ءزارۋ ەكەنى – ايتپاسا دا بەلگىلى. وسى ماسەلەنى رەتتەۋ ءۇشىن وڭىردە ارنايى جۇمىلدىرۋشى توپتار قۇرىلدى. ونىڭ مۇشەلەرى تۇرمىسى تومەن, تابىسى از, تۇراقتى باسپانا ماسەلەسى شەشىمىن تاپاعان وتباسىلاردىڭ ۇيلەرىنە بارىپ, جاي-كۇيلەرىمەن تانىسۋدى تۇراقتى ىسكە اينالدىرىپ كەلەدى. ونىڭ قۇرامىندا قوعام قايراتكەرلەرى, ءماسليحات دەپۋتاتتارى, كاسىپكەرلەر, قوعامدىققورلار مەن مەملەكەتتىك ورگانداردىڭ وكىلدەرى بار.
سونداي-اق بۇل قۇرامدا ايماقتاعى ابىروي-بەدەلى جوعارى, ەلگە سىيلى, ومىردەن كورگەنى مەن تۇيگەنى مول زەينەت جاسىنداعى ادامدار دا بار. سولاردىڭ ءبىرى پروكۋراتۋرا ورگاندارىنىڭ ارداگەرۋ ءماريا تادجىباەۆا مۇقتاج جاندارعا كومەك كورسەتۋ ءىسىنىڭ بەل ورتاسىندا ءجۇر. مەن وزىمدە زەينەتتەمىن, ايتسە دە توپ قۇرامىندا ەل-جۇرتقا قولىمنان كەلگەن كومەگىمدى تيگىزۋدى قاجەت دەپ تاپتىم. سوندا بايقاعنىم, بىرقاتار وتباسىلار مەن مۇقتاج جاندار وزدەرىنىڭ زاڭدى قۇقىقتارىن بىلە بەرمەيتىنى. ولارعا وسى تۇرعىدان زاڭدىق كەڭەستەر بەرۋى پارىزىم دەپ سانايمىن. تۇتاستاي العاندا قاراپايىم تۇرعىندار جەرگىدىكتى بيلىكتىڭ وزدەرىن ەلەۋسىز قالدىرماعانى ءۇشىن ريزاشىلىقتارىن بىلدىرۋدە دەيدى ول.
- جۇمىلدىرۋشى جۇمىسشى توپتار تۇرمىس دەڭگەيلەرى تومەن وتباسىلاردىڭ جاي-كۇيىمەن تانىسقانان كەيىن. ءتيىستى شەشىم قابىلدايدى. قاجەت جاعدايدا ولارعا ءارتۇرلى ماتەريالدىق كومەكتەر بەرۋ شارالارىن ۇيىمداستىرادى. بۇل ماسەلە جۇمىلدىرۋشى توپتار مۇشەلەرىنىڭ قاتىسۋىمەن قالالىق اكىمدىك جانىندا تۇرمىسى تومەن وتباسىلارعا كومەك كورسەتۋ جونىندە قۇرىلعان شتابتىڭ ماجىلىسىندە تالقىلانىپ, تۇبەگەيلى شەشىمىن تابادى دەدى گازەت تىلشىسىنە اقتوبە قالاسىنىڭ اكىمى ءىلياس يسپانوۆ.
وڭىردە دەربەس باسپاناسى جوق, پاتەر جالداپ تۇراتىن كوپ بالالى انالارعا بيزنەس وكىلدەرى مەن كاسىپكەرلەر كومەك كورسەتۋدە. ىسالى تاياۋدا «اقتوبەسترويەكسپەرت» جشس-نىڭ ديرەكتورى جاستالاپ جانبەۋوۆ قۇرقىلتايدىڭ ۇياسىنداي تار ۋاقىتشا باسپانادا تۇراتىن سەگىز بالانىڭ اناسى, «التىن القا» يەگەرى سالتانات سادۋوۆاعا پاتەر ساتىپ الىپ بەردى. بۇل ءۇشىن ول «قولقانات اقتوبە» قوعامدىق قورىنا قاجەتتى قاراجاتتى اۋدارعان. وسى ارادا كوپ بالالى انانىڭ ەرى ەكىنشى توپتاعى مۇگەدەك, ءارى ەكى پەرزەنتى ارنايى مەكتەپتە وقيتىن مۇگەدەك بالالار ەكەنىن دە ايتا كەتكەن ءجون سەكىلدى.
سونداي-اق اقتوبە قالاسىندا جالدامالى پاتەردە تۇراتىن التى بالانىڭ اناسى گالينا نوۆيكوۆاعا جەر تەلىمىنىڭ سەرتيفيكاتى بەرىلدى. ەندىگى كەزەكتە اقتوبەنىڭ اتىمتاي جومارتىنىڭ ءبىرى, جەكە كاسىپكەر ايبەك امىرباەۆ بەرىلگەن جەر تەلىمىنەن وعان ءۇي سالىپ بەرۋدى كوزدەپ وتىر. ايماقتا تۇرمىسى تومەن كوپبالالى وتباسىلارعا الەۋمەتتىك كومەك كورسەتۋ ءىسىنىڭ وزگە دە مىسالدارى جەتكىلىكتى. جۇمىلدىرۋشى توپتار مەن اقتوبە قالالىق اكىمدىگى جانىنان قۇرىلعان شتاب مۇشەلەرى العا قويعان ماقساتتارىن ىسكە اسىرۋ ءۇشىن ناقتى مەكەن-جايلارعا بارىپ, قاراپايىم تۇرعىنداردىڭ وتىنىشتەرىنە قۇلاق ءتۇرىپ ءجۇر.
قورعاي ءجۇر, قايىرىمدىلىق!
تەمىر قۇسايىن,
«ەگەمەن قازاقستان»
اقتوبە