بولگاريا استاناسى سوفيادا ءوتىپ جاتقان «ستراندجا» حالىقارالىق تۋرنيرىندە جارتىلاي فينالعا وتكەن بوكسشىلار انىقتالدى. قازاقستان قۇراماسى ساپىنان شيرەك فينالدا التى بوكسشى باق سىناۋدا دەپ جازادى Olympic.kz.
ەلىمىزدىڭ بەس دۇركىن چەمپيونى, 49 كەلىدەگى تەمىرتاس ءجۇسىپوۆ شارشى الاڭ يەسى ەرگيۋنال ءسابريدى 5:0 ەسەبىمەن جەڭىپ, جارتىلاي فينالعا جولداما الدى.
64 كەلىدەگى ءساناتالى تولتاەۆ قىتايلىق شەنزە كيدەن 5:0 ەسەبىمەن باسىپ ءتۇستى. وسىلايشا, جاس بوكسشى حالىقارالىق ءتۋرنيردىڭ ½ فينالىنا ءوتتى.
60 كەلىدەگى زاكىر سافيۋللين تارتىستى جەكپە-جەكتە گرۋزيالىق وتار ەرانوسياندى ۇتىپ, كەلەسى اينالىمعا ءوتتى.
قالعان ءۇش جەكپە-جەك ناتيجەسى ەرتەڭ بەلگىلى بولاتىنىن ەسكە سالامىز.
بوكستان قازاقستان قۇراماسى بولگارياداعى تۋرنيرگە ءبىرىنشى قۇراممەن قاتىسۋدا. كوماندا ساپىنان قايرات ەراليەۆ, ەرىك ءالجانوۆ, بەك نۇرماعامبەت جانە ءانۋار مۇزاپاروۆتار جەڭىلىس تاپتى.