"نۇر استانا" مەشىتى جانىنان قۇرىلعان "جىبەك" قىز كەلىنشەكتەر كلۋبى "بەسىك جىرىم-قازىنام" اتتى انا الديىنە ارنالعان سايىس وتكىزدى.
ءار ءتۇرلى جاستاعى-اجەلەر مەن كەلىندەر, ءتىپتى ءالى تۇرمىسقا شىقپاعان قىزدار جينالىپ, عاسىرلاردان جەتكەن قازىنا-بەسىك جىرىن ايتۋدان جارىسقا ءتۇستى. قوعام قايراتكەرى ورازكۇل اسانعازىقىزى باستاعان قازىلار القاسى ونەرمەن ورىلگەن ونەگەنى سارالاي كەلە, باس جۇلدەگە لايىقتى دەپ بورانكۇل كەلەسوۆانى تاۋىپ, قالعان ورىنداردى دا يەسىز قالدىرمادى.
بالعىن دوسىمبەكوۆا, اقمارال يماناليەۆا, باقىت دەمەەۆا جەڭىمپازدار قاتارىن تولىقتىرسا, "كورەرمەن كوزايىمى" اتانعان جانات ەرماحانوۆا ارنايى سىي يەلەندى. جالپى جۇلدەگەرلەر مەن قاتىسۋشىلاردىڭ ەشقايسىسى نازاردان تىس قالماي, ارنايى ديپلوممەن ماراپاتتالدى.