قازاقستاننىڭ باسىم اۋماعىندا اتموسفەرالىق اعىمداردىڭ وتۋىنە بايلانىستى اۋا رايى قۇبىلمالى بولادى, دەپ حابارلايدى «قازگيدرومەت».
كاسىپورىن تاراتقان مالىمەتتەرگە قاراعاندا, ەلىمىزدىڭ كوپتەگەن ايماقتارىندا جاۋىن-شاشىن بولادى. جاۋىن تەك ەلىمىزدىڭ وڭتۇستىك-شىعىسىندا عانا بولمايدى. سونداي-اق كەي جەرلەردە تۇمان ءتۇسىپ, كوكتايعاق, بۇرقاسىن بولادى, جەل كۇشەيەدى.
جامبىل وبلىسىندا كەي جەرلەردە تۇمان, كوكتايعاق بولىپ, جەلدىڭ كۇشى سەكۋندىنا 15-20 مەترگە جەتىپ, كۇندىز ەكپىنى 23-28 مەتر بولادى. وبلىستىڭ وڭتۇستىك-باتىسىندا جەلدىڭ جىلدامدىعى سەكۋندىنا 30 مەتر بولادى.
تۇركىستان وبلىسىندا جەل كۇشەيىپ, تۇندە كەي جەرلەردە 15-20, كۇندىز 15-20 م/س جىلدامدىقپەن جەل سوعادى. ەكپىنى 23-28 مەترگە جەتەدى. تاۋ اسۋلارىندا ول 30 م/س دەيىن كۇشەيەدى. كۇندىز كەي جەرلەرىندە تۇمان, كوكتايعاق بولادى. الماتى وبلىسىندا كەي جەرلەردە تۇمان, جالاڭاشكول اۋدانىندا جەل 20-25 م/س, ەكپىنى 28 م/س. قىزىلوردا وبلىسىندا كەي جەرلەردە تۇمان, كوكتايعاق بولادى, جەل 15-20, كۇندىز ەكپىنى 23 م/س.
ماڭعىستاۋ وبلىسىنىڭ كەي جەرلەرىندە كوكتايعاق, بۇرقاسىن بولۋى ىقتيمال. جەل سەكۋندىنا 15-20 م/س جىلدامدىقپەن ۇيتقيدى. اقمولا, سولتۇستىك قازاقستان, قاراعاندى وبلىستارىنىڭ كەي جەرلەرىندە تۇمان, بۇرقاسىن بولادى دەگەن بولجام بار. جەل جىلدامدىعى 15-20 م/س. اقمولا, قاراعاندى وبلىستارىندا كوكتايعاق بولادى. اتىراۋ, باتىس قازاقستان وبلىسىنىڭ كەي جەرلەرىندە تۇمان, كوكتايعاق كۇتىلەدى. قوستاناي وبلىسىنىڭ كەي جەرلەرىندە بۇرقاسىن, تۇمان بولادى. شىعىس قازاقستان وبلىسىنىڭ كەي جەرلەرىندە بۇرقاسىن بولىپ, جەل 15-20 م/س-كە كۇشەيەدى. پاۆلودار وبلىسىنىڭ كەي جەرلەرىندە تۇمان, كوكتايعاق بولادى, جەلدىڭ جىلدامدىعى سەكۋندىنا 15-20 مەترگە جەتەدى.