كەنشىلەر استاناسىندا ۆولەيبولدان ميليتسيا گەنەرال-مايورى, اۋعان سوعىسىنىڭ ارداگەرى ۆ.شۋميلەنكو اتىنداعى تۋرنير ءوتتى. ءداستۇرلى جارىسقا وبلىستىڭ 22 كومانداسى قاتىسىپ, 200 پوليتسەي كۋبوك ءۇشىن سىنعا ءتۇستى.
تۋرنير قورىتىندىسىندا وبلىستىق پوليتسيا دەپارتامەنتىنىڭ قىزمەتكەرلەرى قارسىلاس شاق كەلتىرمەي, ءبىرىنشى ورىندى جەڭىپ الدى. ەكىنشى جۇلدەنى جول-پاترۋلدىك پوليتسيانىڭ وكىلدەرى يەمدەنسە, قولا مەدالدى قاراعاندى قالالىق پوليتسيا باسقارماسىنىڭ ۆولەيبولشىلارى قاناعات ەتتى.
جەڭىمپازدار مەن جۇلدەگەرلەرگە ەستەلىك سىيلىقتار, مەدالدار مەن كۋبوكتار تابىس ەتىلدى.
قايرات ءابىلدا,
«ەگەمەن قازاقستان»
قاراعاندى وبلىسى