سارسەنبى, 15 اقپان 2012 7:45
پرەزيدەنت نۇرسۇلتان ءابىش ۇلى نازارباەۆ ءاربىر مەملەكەت ەكونوميكالىق, ساياسي جانە اسكەري الەۋەتپەن قامتاماسىز ەتىلگەندە عانا ناعىز ەگەمەندى ەل بولىپ سانالاتىندىعى جونىندەگى ويىن ءدال ءارى انىق ايتتى.
كەز كەلگەن ەلدىڭ ارمياسى, قارۋلى كۇشتەرى تاۋەلسىزدىكتى, مەملەكەتتىلىكتى جانە كونستيتۋتسيالىق قۇرىلىمدى قورعاۋداعى نەگىزگى تىرەك بولىپ تابىلادى. قازاقستان ارمياسى – تاۋەلسىزدىكتىڭ قۇرداسى جانە ءوز ەلىمەن بىرگە قيىنشىلىقتاردان ءوتىپ, دامۋ جولىندا ماڭىزدى ناتيجەلەر مەن جوعارى كورسەتكىشتەرگە جەتكەندىگىن شەتەلدىك ماماندار دا باعالادى.
سارسەنبى, 15 اقپان 2012 7:45
پرەزيدەنت نۇرسۇلتان ءابىش ۇلى نازارباەۆ ءاربىر مەملەكەت ەكونوميكالىق, ساياسي جانە اسكەري الەۋەتپەن قامتاماسىز ەتىلگەندە عانا ناعىز ەگەمەندى ەل بولىپ سانالاتىندىعى جونىندەگى ويىن ءدال ءارى انىق ايتتى.
كەز كەلگەن ەلدىڭ ارمياسى, قارۋلى كۇشتەرى تاۋەلسىزدىكتى, مەملەكەتتىلىكتى جانە كونستيتۋتسيالىق قۇرىلىمدى قورعاۋداعى نەگىزگى تىرەك بولىپ تابىلادى. قازاقستان ارمياسى – تاۋەلسىزدىكتىڭ قۇرداسى جانە ءوز ەلىمەن بىرگە قيىنشىلىقتاردان ءوتىپ, دامۋ جولىندا ماڭىزدى ناتيجەلەر مەن جوعارى كورسەتكىشتەرگە جەتكەندىگىن شەتەلدىك ماماندار دا باعالادى.
سىرتقى ساياسات ماسەلەلەرى ءجونىندەگى جەتەكشى اقش ساراپشىلارىنىڭ ءبىرى ستيۆەن سەستانوۆيچ (رەسەي مەن بۇرىنعى كسرو ەلدەرى ماسەلەلەرىنە ماشىقتانعان مامان) قازاقستان ارمياسىنىڭ كەلەشەگى جونىندە ءوز ويىن ايتتى. ونىڭ پىكىرىنشە, قاۋىپسىزدىك سالاسىنداعى «كوپ ۆەكتورلى» ساياسات ارقاسىندا قازاقستان اسا قۋاتتى ءارى قاۋقارلى قارۋلى كۇشتەرى بار ەلگە اينالادى.
«قازاقستان قارۋلى كۇشتەرى تولىعىمەن كەڭەس وداعىنان قالعان مۇرادان قالىپتاستى. ال كەلەشەكتە ول ءوز سيپاتىن وزگەرتەدى. بۇل – «كوپ ۆەكتورلى» جول بولماق. قازاقستان بۇل جولعا بىرتىندەپ اسا شەبەرلىكپەن جەتەدى. مەنىڭ بولجامىم بويىنشا, 20 جىلدان كەيىن, سىزدەردە ايتارلىقتاي كولەمى وسكەن, جاڭا سەرىكتەستەردى قامتىعان, ەرەكشە كورىنىستەگى قورعانىس قۇرىلىمى بولادى», – دەدى امەريكالىق ساراپشى جۋىقتا ۆاشينگتوندا بولعان حالىقارالىق كونفەرەنتسيادا.
سونداي-اق بىلاي دەدى: «سوڭعى بەس جىل ىشىندە قازاقستاننىڭ ءاسكەري بيۋدجەتى دە جوعارى قارقىنمەن وسۋدە. وسى ءجايت كونفەرەنتسيالاردا كوپ ايتىلمايدى, الايدا بۇل وتە ماڭىزدى بولىپ تابىلادى».
ساراپشىنىڭ سوزىنە قاراعاندا, سوڭعى 20 جىل كولەمىندە قازاقستان ەگەمەندىگى مەن تاۋەلسىزدىگىن نىعايتۋ كەزىندە قاۋىپسىزدىك ماسەلەلەرىن شەشۋدە «توتەنشە شەبەرلىكپەن» اسا ۇلكەن جەتىستىكتەرگە جەتتى. سونىمەن بىرگە, ول كەلەشەكتە قازاقستان اسكەري ماسەلەدە دە ايتارلىقتاي دەربەستىككە قول جەتكىزە الاتىندىعىن جاسىرمايدى. شاماسى, وسى سەبەپتى قازاقستان ءبىر جارىم جىل بۇرىن وڭتۇستىك كورەيا, يزرايل, اقش, ءۇندىستان, رەسەي جانە قىتاي كومپانيالارىنىڭ قاتىسۋىمەن ءبىرىنشى قورعانىس ونەركاسىبىنىڭ كورمەسىن وتكىزگەندىگىن دە ساراپشى ەسكە سالدى.
كەلەر ۇرپاق ومىرىندە قازاقستان جوعارى تەحنولوگيالى تەحنيكانى اتالعان ەلدەردەن ابايلاپ ساتىپ الادى جانە ول وعان كىرىستى دە, سونىڭ ىشىندە ەلەكترونيكانى وڭتۇستىك كورەيا مەن يزرايلدەن الادى, – دەپ قوستى ول.
سەستانوۆيچ ەسكە سالعان قازاقستانداعى قورعانىس ونەركاسىبىنىڭ كورمەسى – بۇل «KADEX-2010» ءبىرىنشى حالىقارالىق قارۋ-جاراق جانە اسكەري-تەحنيكالىق م ۇلىك كورمەسى. ول استانادا 2010 جىلعى 26-29 مامىردا ءوتتى جانە وعان الەمنىڭ 20 ەلىنەن 200-دەن اسا كومپانيا قاتىستى.
بيىل مامىر ايىندا قازاقستان «KADEX-2012» ەكىنشى حالىقارالىق قارۋ-جاراق جانە اسكەري-تەحنيكالىق م ۇلىك كورمەسىن وتكىزەدى.
ءجۇنىس ومار, قر قم ءباسپاسوز قىزمەتىنىڭ وكىلى.