ال 52 تۇرعىن اتالعان دەرتتى جۇقتىرۋى مۇمكىن دەگەن كۇدىكپەن تىركەۋدە تۇر.
بىلتىر ءبىر ادام عانا قىزىلشامەن اۋىرسا, بيىل جاعداي الاڭداتارلىق. سوڭعى جارتى ايدا كۇدىككە ىلىنگەندەردىڭ قاتارى ەكى ەسەگە دەيىن ارتقان.
بيىل جاعدايدىڭ دابىل قاعارلىق ەكەنىن قوعامدىق دەنساۋلىق ساقتاۋ دەپارتامەنتىنىڭ ماماندارى دا جاسىرمايدى. ولاردىڭ مالىمەتىنە قاراعاندا جۇقپالى دەرتكە شالدىققانداردىڭ بارلىعى اۋرۋعا قارسى ەكپە الماعان. ارالارىندا ۆاكتسينا جەتىمسىزدىگى جايى دا كەزدەسكەن. ءۇش ادام ەكپەدەن باس تارتقان.
بۇگىنگى كۇنى 28 ادام جازىلىپ شىقسا, 23 ادام ەم-دومىن جالعاستىرۋدا.
ەپيدەميولوگيالىق جاعدايلاردىڭ الدىن الۋ, بولدىرماۋ شارالارىن ودان ءارى جالعاستىرۋ ماقساتىمەن باتىس قازاقستان وبلىسىنان قىزىلشاعا, قىزامىق پەن ەپيدەميولوگيالىق پاروتيتكە قارسى 1500 دانا ۆاكتسينا الىنىپ, اۋرۋحانالار مەن قالالالىق ەمحانالارعا جەتكىزىلگەن.
قىزىلشا جۇقتىرعانداردىڭ باسىم كوپشىلىگى پەتروپاۆل قالاسىنان. ولاردىڭ اراسىندا مەديتسينا سالاسىنىڭ قىزمەتكەرلەرى دە بار. جارتىسىنان استامى–كامەلەتكە تولماعان بالالار.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى