وبلىس ورتالىعىنداعى توتەنشە جاعدايلار باسقارماسىنىڭ مالىمەتىنشە, جالپى ەرەجە بويىنشا 5 قاباتتان جوعارى تۇرعىن ۇيلەردە گاز باللوندارىن پايدالانۋعا تيىم سالىنعان.
ال, 9 , 10 قاباتتى ۇيلەردە باللوندار بار ەكەنى انىقتالعان جاعدايدا ەسكەرتۋ جاسالادى. بەلگىلى ۋاقىت ارالىعىندا الىپ تاستاۋ كەرەك. سوڭعى ءۇش جىلدا كوپقاباتتى ۇيلەردە گاز باللوندارىن دۇرىس پايدالانباۋ بويىنشا 8 وقيعا تىركەلىپتى. ءبىر ادام كوز جۇمعان.
سوندىقتان,قازىر كوپقاباتتى تۇرعىن ۇيلەردەگى گاز باللوندارىن قولدانۋ كەزىندەگى ءورت قاۋىپسىزدىگى جانە كوپقاباتتى ۇيلەردە بالالاردىڭ وتپەن ابايسىزدىعىنان تۋىندايتىن ءورت جاعدايلارىنىڭ الدىن الۋ ماقساتىندا تۇرعىندارعا ەرەجەلەردى ءتۇسىندىرۋ بويىنشا شارالار وتۋدە.
باسقارماسىنىڭ مالىمەتىنشە, وبلىستاعى گاز جەتكىزۋمەن اينالىساتىن جەكە مەنشىك ۇيىمداردىڭ وكىلدەرىمەن دە كەزدەسۋلەر وتكىزىلۋدە.
وڭىردەگى اۋىل, قالالاردا گازدى پايدالاناتىن تۇرعىندار از ەمەس. ماماندار قىستىڭ ايازدى كۇندەرى تۇرعىنداردى قانداي ءبىر جىلىتۋ قۇرالدارىن پايدالانعان كەزدە اسا ساق بولۋعا شاقىرادى.
ماسەلە, گاز باللون جابدىقتارىن جەتكىزۋ, ونى جەكە ۇيلەرگە, كوپ قاباتتى تۇرعىن ۇيلەرگە ورناتۋ جانە ونى پايدالانۋ ماسەلەسىنە باسا نازار اۋدارىلۋدا. مىسالى,وبلىس ورتالىعىنداعى «ينتەرسنابگاز» جشس-ءنىڭ مالىمەتىنشە وكىلدەرىنىڭ ايتۋىنشا, قالا بويىنشا 3,5 مىڭ ابونەنت تىركەلگەن.
ابونەنتتەردىڭ 130-ى قالاداعى 9 قاباتتى تۇرعىن ۇيلەردە تۇرادى. كەيبىر تۇرعىنداردىڭ گاز باللوندارىن جانارماي قۇيۋ بەكەتتەرىنەن تولتىرىپ جۇرگەندەرى دە كەزدەسىپتى. بىراق, قازىر بۇل جاعداي باقىلاۋدا, جانارماي بەكەتتەرىنەن گاز باللوندارىن تولتىرىپ جۇرگەن تۇرعىندارعا قاتاڭ تىيىم سالىنعان. ال, «ينتەرسناب گاز» جشس ءوز تۇتىنۋشىلارىنا گاز باللوندارىن تالاپقا ساي جەتكىزىپ, قاۋىپسىزدىك شارالارىن ساقتاۋدى ەسكەرەتەدى. ويتكەنى, زاڭسىز ارەكەتتەن قايعىلى جاعداي ورىن الۋى دا مۇمكىن. تەك قانا ساپالى قىزمەتتى پايدالانعان ءجون دەيدى ماماندار.
ساقتانساڭ-ساقتايدى. تۇرعىنداردىڭ گاز باللوندارىن, پەشتى جاعۋ كەزىندە قاۋىپسىزدىك شارالارىن دۇرىس ساقتاماۋى ورتكە سەبەپ. وتكەن جىلى وڭىردە 873 ءورت وقيعاسى تىركەلىپ, 34 ادام كوز جۇمعان. وقىس وقيعا سالدارىنان 33 ادام ءارتۇرلى دەڭگەيدە جاراقات السا, بيىل باستالعان جىلدىڭ وزىندە 46 ءورت ورىن الىپ, 6 ادام باقيلىق بولىپتى.
فاريدا بىقاي,
«ەگەمەن قازاقستان»
پاۆلودار وبلىسى