تۇركيا بيلىگى بۇعازدان ءوتۋدىڭ جاڭا ەرەجەسىن قابىلداۋىنا بايلانىستى 41 ميلليون مۇناي باررەلى تيەلگەن قازاقستاندىق جانە رەسەيلىك تانكەرلەر بوسفور مەن داردانەللاعا وتەر جولدا توقتاپ تۇر. بۇل تۋرالى Bloomberg اگەنتتىگى حابارلادى.
قازىرگى تاڭدا بۇعازدان ءوتۋ ءۇشىن 55 تانكەر, ونىڭ ىشىندە 21 suezmax جانە 26 اframax ساناتىنداعى تانكەرلەر كەزەكتە تۇر. بىلتىر قىركۇيەكتە انكارا باسشىلىعى ناۆيگاتسيا ەرەجەلەرىن كۇشەيتىپ, بۇعازدا مىندەتتى ءتۇردى بۋكسير قولداناتىن كەمەلەر ءتىزىمىن كەڭەيتىپ تاستادى. وسىدان كەيىن بوسفور مەن داردانەللادا تانكەرلەر مەن استىق تاسۋشى كەمەلەر جينالا باستادى.
بۇرىن قارا تەڭىزدەن ەگەيگە ءوتۋ ءۇشىن بەس-التى كۇن كۇتۋ كەرەك بولسا, ەندى كەمەلەر 16 كۇن كۇتۋگە ءماجبۇر. ال ەگەي تەڭىزىنەن قاراعا ءوتۋ بۇرىن التى كۇندى السا, ەندى 14 كۇن قاجەت. 2019 جىلدىڭ باسىنان بۇعازداردا رەكوردتىق كەمە سانى جينالا باستادى.