جاڭاارقا اۋدانىنىڭ تۇرعىنى 116 جاستاعى تۇيمەگۇل تەمىرباەۆا رەفەرەندۋمدا داۋىس بەرىپ, ءوزىنىڭ ازاماتتىق تاڭداۋىن جاسادى. قارت ادامنىڭ جاسى مەن دەنساۋلىق جاعدايىن ەسكەرە وتىرىپ, ۋچاسكەلىك رەفەرەندۋم كوميسسياسىنىڭ مۇشەلەرى ارنايى داۋىس بەرۋ جاشىگىن ونىڭ ۇيىنە اپاردى.
قىزىلجار كەنتىنىڭ تۇرعىنى تۇيمەگۇل تەمىرباەۆا 1910 جىلى دۇنيەگە كەلگەن. بيىل قاڭتار ايىندا ول 116 جاسقا تولىپ, ەلىمىزدەگى ەڭ قارت تۇرعىن اتاندى.
ءومىرىن وتباسىنا ارناعان تۇيمەگۇل اجەنىڭ ايتۋىنشا, ۇزاق ءومىر ءسۇرۋدىڭ باستى سىرى – ەڭبەكقورلىق پەن جاقىن ادامدارعا دەگەن سۇيىسپەنشىلىك. بۇگىندە اجەنىڭ 15 نەمەرەسى جانە 25 شوبەرەسى بار. ول ءومىر بويى وتباسىنىڭ تىرەگى بولىپ, بالالار مەن نەمەرەلەرىنە ۇلگى كورسەتىپ كەلەدى.
وسىلايشا, عاسىردان اسقان ۇلىتاۋلىق كەيۋانا ماڭىزدى ساياسي ناۋقاننان شەت قالماي, ەل تاعدىرىنا قاتىستى شەشىم قابىلداۋعا ۇلەسىن قوستى.
ۇلىتاۋ وبلىسى