مۇنايلى اۋدانى ماڭعىستاۋ اۋىلىندا كولەمى 638 شارشى مەتردى قۇرايتىن 125 ورىندىق «ايجاناي» جەكەمەنشىك بالاباقشا اشىلدى.
بوبەكجايدىڭ قۇرىلىسى 2018 جىلدىڭ ءساۋىر ايىندا باستاۋ الىپ, قازىرگى تاڭدا 35 ادامدى جۇمىسپەن قامتىپ وتىر. بىلتىر مۇنايلى اۋدانىندا 3-6 جاس ارالىعىنداعى بۇلدىرشىندەردى بالاباقشامەن قامتاماسىز ەتۋ كورسەتكىشى 96,7 % جەتكەن بولاتىن, ياعني 270 بالا كەزەكتە تۇرعان.
ال بيىل جىل سوڭىنا دەيىن وسى اۋداندا 1352 ورىندى قۇرايتىن 15 جەكە مەنشىك بالاباقشا بوي كوتەرەدى دەپ جوسپارلانىپ وتىر. ناتيجەسىندە 3-6 جاس ارالىعىنداعى بۇلدىرشىندەر 100 % تولىق بالاباقشامەن قامتاماسىز ەتىلمەك.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى