بۇگىن قر ۇكىمەتىنىڭ ءباسپاسوز ورتالىعىندا وتكەن بريفينگ بارىسىندا يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك قازاقستاندا «قاراپايىم زاتتار ەكونوميكاسىن» دامىتۋ بويىنشا قابىلدانىپ جاتقان شارالار تۋرالى ايتىپ بەردى.
ەلباسى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىندا حالىق تۇتىناتىن تاۋارلاردىڭ اۋقىمدى نومەنكلاتۋراسىن يگەرىپ, «قاراپايىم زاتتار ەكونوميكاسىن» دامىتۋ ءۇشىن كاسىپورىندارىمىزعا كومەكتەسۋ تۋرالى تاپسىرما بەردى. بۇل ەكسپورتتىق الەۋەتىمىزدى جۇزەگە اسىرۋ تۇرعىسىنان عانا ەمەس, سونداي-اق ىشكى نارىقتى وتاندىق تاۋارلارمەن تولتىرۋ ءۇشىن دە ماڭىزدى. ۇكىمەتكە وڭدەۋ ونەركاسىبى مەن شيكىزاتتىق ەمەس ەكسپورتتى قولداۋ ماقساتىمەن الداعى 3 جىلدا قوسىمشا 500 ملرد تەڭگە ءبولۋ تاپسىرىلدى.
ء«بىز جەتەكشىلىك ەتەتىن وبلىستار بويىنشا قازاقستاندىقتار كۇندەلىكتى پايدالاناتىن وسىنداي 250 تاۋار اتاۋىن انىقتادىق, ولاردىڭ يمپورتى بۇگىندە 80%-دان اسادى. الداعى ءۇش جىلدا اتالعان تاۋارلار بويىنشا يمپورت ۇلەسىن 50%-عا دەيىن قىسقارتۋدى كوزدەپ وتىرمىز», — دەدى ج. قاسىمبەك.
اسىرەسە جەڭىل ونەركاسىپتىڭ دامۋى ىنتالاندىرىلادى, بۇل: ماتا شىعارۋ, كيىم مەن اياق-كيىم تىگۋ, تىڭايتقىشتار, لاك جانە بوياۋ ونىمدەرى, تەرەزەلەر مەن ەسىكتەر, جيھاز شىعارۋ جانە ت.ب.
سونىمەن قاتار, ج. قاسىمبەك ءباسپاسوز كونفەرەنتسياسى اياسىندا گەولوگيا جانە جەر قويناۋىن پايدالانۋ سالالارىن دامىتۋ تۋرالى ءسوز قوزعادى. 2018 جىلعى شىلدەدەن باستاپ جەر قويناۋى تۋرالى جاڭا كودەكس كۇشىنە ەندى, بۇل كودەكس جەر قويناۋىن پايدالانۋ سالاسىنداعى اكىمشىلىك راسىمدەردى جەڭىلدەتىپ, وسىلايشا گەولوگيالىق بارلاۋ سالاسىنا تارتىلاتىن ينۆەستيتسيالار كولەمىن ۇلعايتۋعا مۇمكىندىك بەرەدى. سونىڭ ناتيجەسىندە قازاقستان فرەيزەر ينستيتۋتىنىڭ جەر قويناۋىن پايدالانۋدىڭ ينۆەستيتسيالىق تارتىمدىلىعى رەيتينگىندە ءوز پوزيتسياسىن 49 تارماققا جاقسارتىپ, 24 ورىنعا تۇراقتادى.