Fly Arystan بيۋدجەتتىك اۆياكومپانياسى بيىلعى جىلدىڭ مامىر ايىندا جولاۋشىلار تاسىمالىن باستايدى.
ۇكىمەتتەگى بريفينگتە يندۋستريا جانە ينفراقۇرىلىم ءمينيسترى جەڭىس قاسىمبەك اتاپ وتكەندەي, بيلەت ساتۋ ءساۋىر ايىنىڭ سوڭىندا باستالادى. بۇل رەتتە اۋەكومپانيا قىزمەتىنىڭ باعاسى Air Astana-عا قاراعاندا 2 ەسە تومەن بولادى. جەڭىس قاسىمبەك 2 بورت دايىن ەكەنىن ايتتى. وسى جىلى كومپانيادا ا320 مودەلىندەگى ءتورت ۇشاق بولادى. Fly Arystan العاشقى جىلى 1 ميلليون جولاۋشىعا دەيىن تاسىمالداۋدى جوسپارلاپ وتىر.
جەڭىس قاسىمبەك, قر يندۋستريا جانە ينفراقۇرىلىمدىق دامۋ ءمينيسترى:
ء«ار ءتۇرلى باعىتتاردى, بيلەت باعاسىنىڭ ديناميكاسىن ەسكەرە وتىرىپ, 1 اپتا ىشىندە – ءبىر باعانى , 3 كۇن ىشىندە – ەكىنشى باعانى, 1 ساعات ىشىندە-ءۇشىنشى باعانىڭ وزگەرۋى, مۇنىڭ بارلىعىن ەسكەرىپ,ەسەپتەۋ قاجەت. توپتىق بيلەت باعاسى دا وزگەشە بولماق. كوپتەگەن جەڭىلدىكتەر دە بار».
سونىمەن قاتار, مينيستر كوپ بالالى وتباسىلارعا ارنالعان تۇرعىن ءۇي قۇرىلىسى تۋرالى ايتىپ بەردى. ونىڭ ايتۋىنشا, ۇكىمەت قوسىمشا پاتەرلەر سالۋ ءۇشىن قاراجات ىزدەۋدە. جەڭىس قاسىمبەك اتاپ وتكەندەي, مينيسترلىك "نۇرلى جەر" مەملەكەتتىك باعدارلاماسىنا كوپ بالالى وتباسىلارعا كومەك كورسەتۋ ءۇشىن ارنايى ءبولىم ەنگىزۋدى ۇسىنادى. بيىلعى جىلى جالعا بەرىلەتىن تۇرعىن ءۇي قۇرىلىسىن قارجىلاندىرۋ 25-تەن 35 ملرد تەڭگەگە دەيىن ارتادى. وسىنىڭ ەسەبىنەن 4 مىڭ پاتەر سالىنىپ, جالعا بەرىلەتىن بولادى.