«جاستار جىلى - جاڭا مۇمكىندىكتەر» وبلىستىق جاستار فورۋمىنا قاتىسۋشىلار ءوز جوبالارىن ۇسىنىپ, كەيبىرى بىرلەسىپ جۇمىس ىستەۋگە دايىن ەكەندەرىن ايتتى. وسى ورايدا وبلىستىق جاستار ءتيىستى مەكەمەلەرمەن بىرلەسە وتىرىپ 2019 جىلعا ارنالعان جول كارتاسى اياسىنداعى 100 ناقتى شارانى ىسكە اسىرىلاتىن بولادى.
-جاستار جىلىندا ايماق جاستارىنا قاجەتتى جانە تۇسىنىكتى شارالار قابىلداۋىمىز قاجەت, ولار 4 نەگىزگى باعىتتى قامتۋى ءتيىس, جاستاردىڭ ساپالى جانە قول جەتىمدى ءبىلىم الۋى, جۇمىس پەن قامتىلۋى, تۇرعىن ءۇي الۋىنا مۇمكىندىكتەر جانە وتباسى قۇرۋىنا جاعداي جاساۋ. بيىلدان باستاپ, جاستاردىڭ ساپالى ءبىلىم الۋى ءۇشىن وبلىس اكىمىنىڭ ارنايى گرانتتارىنىڭ سانى 150-دەن 200-گە دەيىن ارتادى. اتاپ ايتقاندا اعىمداعى جىلى «ديپلوم مەن اۋىلعا» باعدارلاماسى بويىنشا 221 جاس اۋىلدىق جەرلەرگە تارتىلىپ, ولارعا كوتەرمە اقى بەرىلەدى. «جاستار پراكتيكاسى» جوباسى ارقىلىمىڭنان اسا جاس جۇمىس ورىندارىنا جولدانىپ, ودان ءارى تۇراقتى جۇمىسپەن قامتۋ شارالارى قابىلدانادى. «جاسىل ەل» باعدارلاماسى مەن جاز ايلارىندا جۇمىسپەن قامتىلاتىن جاستار سانى 1500-گە جەتپەك. جاستار كاسىپكەرلىگىن قولداۋ باعىتىندا «باستاۋ بيزنەس» جوباسى ارقىلى 800 جاستى وقىتۋ جوسپارلانعان, دەدى ايماق باسشىسى ە.توعجانوۆ.
سونىمەن قاتار,بيىلعى جىلى ءوڭىر جاستارىن كوپتەگەن تىڭ جوبالار كۇتىپ تۇر. اتاپ ايتساق, جاستارعا پاتريوتتىق تاربيە بەرۋ, ولاردى قوعامدىق-مادەني ورتاعا تارتۋ ماقساتىندا 500-گە تارتا ءتۇرلى دەڭگەيدە ءىس-شارالار ۇيىمداستىرىلادى. ماسەلەن, 2 ءىرى حالىقارالىق شارا ۇيىمداستىرۋ كوزدەلىپ وتىر. ءبىرىنشى, تامىز ايىندا اقتاۋ ءسامميتىنىڭ 1 جىلدىعى اياسىندا ماڭعىستاۋعا شەكارالاس مەملەكەت جاستارىنىڭ «جاستار دوستىعى – 2019» فورۋمى. ماۋسىم ايىندا «رۋحاني جاڭعىرۋ» جانە « ۇلى دالانىڭ 7 قىرى» ماقالالارى اياسىندا ء«وز تاريحىڭدى تانىپ ءبىل» اتتى جاستاردىڭ رەسپۋبليكالىق ەكسپەديتسياسى وتكىزىلەدى. اۋقىمدى ەكسپەديتسيا ماڭعىستاۋدان باستاۋ الىپ, ودان ءارى اتىراۋ (سارايشىق, يساتاي, ماحامبەت كەسەنەلەرى), ورال (بوكەي وردا), اقتوبە (قوبىلاندى باتىر كەسەنەسى), قىزىلوردا, ۇلىتاۋ, تۇركىستان, ەسىك قورعانى, استانا قالالارىن ارالاماق.ءوڭىردىڭ جاس عالىمدارىن ينۆەستورلارمەن تانىستىرۋ, ولاردى حالىقارالىق كورمەلەرگە قاتىستىرۋ جانە ەڭبەگىن تانىتۋ ماقساتىندا جانە ءبىر جوبا قولعا الىنباق. «تۋعان جەر upgrade» شەرقالا نەمەسە ايراقتى تاۋى ەتەگىندە وتەتىن كوشپەلى جاستار كەزدەسۋ-ترەنينگى. رەسپۋبليكا بويىنشا «100 جاڭا ەسىمگە» ەنگەن, جەتىستىككە جەتكەن تۇلعالار شاقىرىلادى دەپ جوسپارلانىپ وتىر.
گۇلايىم شىنتەمىرقىزى,
«Egemen Qazaqstan»
ماڭعىستاۋ وبلىسى