باعا ازىق-ت ۇلىك تاۋارلارىنا وتكەن ايدا – 1,3%, ازىق-ت ۇلىك ەمەس تاۋارلارىنا 0,3%-عا جوعارىلادى, ال اقىلى قىزمەتتەرگە 0,2%-عا تومەندەدى. بۇل تۋرالى ۇلتتىق ەكونوميكا مينيسترلىگنىڭ ءباسپاسوز قىزمەتى حابارلادى.
وتكەن ايدا باعانىڭ ءوسۋى جاڭا جينالعان كوكىنىستەرگە – 12,2%, جۇمىرتقاعا – 2,1%, مايەكتى ىرىمشىككە – 1,5%, كۇرىشكە – 1,3%-عا, قۇس ەتىنە, جىلقى ەتىنە – 1,2%-دان, سارى مايعا – 1,1%, شۇجىق ونىمدەرىنە – 0,9%-عا, ەت ونىمدەرىنە, ۇنعا – 0,8%-دان, قوي ەتىنە, توقاش جانە ۇننان دايىندالاتىن ونىمدەرىنە – 0,7%-دان, ماكارون ونىمدەرىنە, جاڭا ساۋىلعان سۇتكە, كۇنباعىس مايىنا, شوشقا ەتىنە, كونديتەرلىك ونىمدەرگە 0,5%-دان بەلگىلەندى. تەمەكى ونىمدەرى – 3,6%, الكوگولدى ىشىمدىكتەر 0,8%-عا قىمباتتادى. باعانىڭ تومەندەۋى قۇمشەكەرگە 1,4%-عا تىركەلدى.
باعا ءوسىمى توقىما بۇيىمدارىنا – 1%-دى, فارماتسەۆتيكالىق ونىمدەرگە, جەكە قولداناتىن تاۋارلارعا, جيھاز جانە ۇيگە قاجەتتى زاتتارعا – 0,8%-دان, اۆتوموبيلدەرگە – 0,7%, جۋعىش جانە تازالاعىش قۇرالدارعا – 0,6%, كيىم جانە اياق كيىمگە, تۇرمىستىق اسپاپتارعا 0,5%-دان قۇرادى. تاس كومىر – 1,7%, بەنزين – 1,2%, باللونداعى سۇيىتىلعان گاز 0,3%-عا ارزاندادى.
باعا دەڭگەيى قۇقىقتىق, جەكە كولiك قۇرالدارىن ساقتاندىرۋ قىزمەتتەرىنە – 5%-دان, دەنساۋلىق ساقتاۋ قىزمەتتەرىنە – 0,9%-عا, قوعامدىق تاماقتاندىرۋ قىزمەتتەرىنە, مەكتەپكە دەيىنگى بالالار مەكەمەسىنىڭ قىزمەتتەرىنە – 0,7%-دان, شاشتارازدار مەن جەكە قىزمەت كورسەتۋ ورىندارى قىزمەتتەرىنە 0,6%-عا ءوستى. جولاۋشىلاردىڭ اۋە كولىگىمەن جول ءجۇرۋ اقىسى – 7,9%, تەمىر جول كولىگىمەن 4,2%-عا ارزاندادى.
تۇرعىن ءۇي-كوممۋنالدىق قىزمەتتەر سالاسىندا تاريفتەر ورتالىقتان جىلىتۋعا – 3,6%, كارىزگە – 2,1%, سۋىق سۋعا – 2%, ەلەكتر ەنەرگياسىنا – 1,4%, تاراتۋ جەلىلەرى ارقىلى تاسىمالداناتىن گازعا – 0,4%, قوقىس شىعارۋعا 0,3%-عا تومەندەدى.
ينفلياتسيا دەڭگەيىن سيپاتتايتىن تۇتىنۋ باعاسىنىڭ يندەكسى حالىقتىڭ جەكە تۇتىنۋ ءۇشىن ساتىپ الاتىن تاۋارلارى مەن قىزمەتتەرى باعاسىنىڭ وزگەرۋىن كورسەتەدى. تاۋارلار مەن قىزمەتتەر جيىنتىعىنا 510 پوزيتسيا كىرەدى. باعانى تىركەۋ مەنشىكتىڭ ءتۇرلى نىساندارىنداعى ساۋدا جانە قىزمەت كورسەتۋ سالاسى كاسىپورىندارىنىڭ ىرىكتەمە جۇيەسى بويىنشا بارلىق وبلىس ورتالىقتارىندا, استانادا جانە قالالار مەن اۋدان ورتالىقتارىنىڭ بەلگىلەنگەن شەڭبەرى بويىنشا جۇرگىزىلەدى. بىرىكتىرۋ ءۇشىن پايدالانىلاتىن سالماق جۇيەسى ولاردىڭ شىعىستارى بولىگىندە وتكەن جىلعى ءۇي شارۋاشىلىقتارىن زەرتتەۋ ماتەريالدارى نەگىزىندە ەسەپتەلەدى.
2019 جىلعى قاڭتاردان باستاپ ءتبي–دى ەسەپتەگەندە ازىق–ت ۇلىك تاۋارلارىنىڭ ۇلەسى – 38,8%, ازىق–ت ۇلىك ەمەس تاۋارلار – 29,8%, اقىلى قىزمەتتەر 31,4%–دى قۇرادى.