الماتىدا وتكەن ءباسپاسوز ماجىلىسىندە «ورتالىق ازيا وتىن-ەنەرگەتيكالىق كومپانياسى» اق اكتسيونەرى جانە ديرەكتورلار كەڭەسىنىڭ توراعاسى الەكساندر كلەبانوۆ مەملەكەت باسشىسى ەل دامۋىنىڭ باسىم مىندەتتەرىنىڭ ءبىرى رەتىندە رەسپۋبليكادا ەنەرگەتيكالىق ينفراقۇرىلىمدى دامىتۋدى بەلگىلەگەندىگىنە توقتالىپ, بۇل رەتتە ول تكش-ن جاڭعىرتۋ سالاسىنا ينۆەستورلار تارتۋ قاجەتتىگىن اتاپ ءوتتى.
پرەزيدەنت تاپسىرماسى اياسىندا 2009 جىلى ۇكىمەت ء«تاريفتى ينۆەستيتسياعا ايىرباستاۋ» شەكتى تاريفتەر باعدارلاماسىن قابىلداپ, بۇل قازاقستاننىڭ ەلەكتر ەنەرگەتيكاسى سالاسىنىڭ ينۆەستيتسيالىق تارتىمدىلىعىن كوتەردى. ءدال وسى كەزەڭدە ەقدب ەنەرگيا وندىرەتىن اكتيۆتەردى جاڭعىرتۋ ءۇشىن «واەك» كاپيتالىنا كىرۋ تۋرالى شەشىم قابىلدادى. بانكتىڭ جوعارى ستاندارتتارى قىزمەتكە وڭ ىقپال ەتۋى ناتيجەسىندە بۇل تاجىريبە الداعى ۋاقىتتا قولدانىسقا ەنەتىن بولادى.
وسى باسقوسۋ اياسىندا «ورتالىق-ازيا وتىن-ەنەرگەتيكالىق كومپانياسى» اق («واوەك») اكتسيونەرلەرى ەۋروپالىق قايتا قۇرۋ جانە دامۋ بانكى (ەقدب) مەن يسلام ينفراقۇرىلىم قورىمەن (يق) جاسالعان بىرنەشە كەلىسىم ناتيجەسىندە ءوزىنىڭ ەنشىلەس كومپانياسى – «ورتالىق ازيا ەلەكتروەنەرگەتيكالىق كورپوراتسياسى» اق-داعى ۇلەسىنىڭ 59,65%-دان 92,75%-عا دەيىن ارتقانىن مالىمدەدى. سونداي-اق, «واوەك» اق-نىڭ 2018 جىلى الەۋمەتتىك جوبالاردى جۇزەگە اسىرۋ جانە قارجىلىق مىندەتتەمەلەردى ورىنداۋ بويىنشا اتقارعان جۇمىستارى قورىتىندىلاندى.
«واوەك» اق اكتسيونەرى, «واەك» اق پرەزيدەنتى سەرگەي كان اتاپ وتكەندەي, حالىقارالىق ينستيتۋتپەن سەرىكتەس بولۋدىڭ ارقاسىندا «واەك» ەنشىلەس كومپانيالارى پاۆلودار جانە پەتروپاۆل قالالارىندا ەلەكتر جانە جىلۋ ەنەرگياسى ءوندىرىسى بويىنشا جاڭعىرتىلعان اكتيۆتەر ۇلەسىن 64,5%-عا دەيىن ارتتىرۋعا مۇمكىندىك بەرگەن اۋقىمدى ينۆەستيتسيالىق باعدارلامانى جۇزەگە اسىرىپ, «نۇرلى جول» مەملەكەتتىك باعدارلاماسى اياسىندا پاۆلودار, پەتروپاۆل, ەكىباستۇز قالالارىندا جىلۋ جەلىلەرىن جاڭارتۋعا مۇمكىندىك العان.
«واوەك» اق پاۆلودار وبلىسى اكىمدىگىمەن جاسالعان الەۋمەتتىك جوبالاردى جۇزەگە اسىرۋ تۋرالى مەموراندۋم اياسىنداعى مىندەتتەمەلەرى اياسىندا وتكەن جىلى پاۆلوداردىڭ ۋسولكا شاعىن اۋدانىندا ءجۇزۋ باسسەينى اشىلىپ, سىرتقى ينجەنەرلىك جەلىلەرى, سونداي-اق, جىلۋمەن قامتۋ جەلىلەرىن «واەك» اق ەنشىلەس كومپانياسى – «پاۆلودارەنەرگو» اق جۇرگىزدى. جوبانى جۇزەگە اسىرۋعا بولىنگەن قاراجاتتىڭ جالپى سوماسى – 814 ملن 839 مىڭ تەڭگە. مەموراندۋمدى جۇزەگە اسىرۋ اياسىندا «واوەك» اق پاۆلوداردا 2017 جىلى پاۆلودار مونتاجداۋ كوللەدجىنىڭ ستۋدەنتتەرىنە ارنالعان 200 ورىندىق جاتاقحانا سالسا, 2019 جىلى «پاۆلودارەنەرگو» كومپانيالار توبىنىڭ قىزمەتكەرلەرىنە ارنالعان كوپقاباتتى تۇرعىن ءۇي قۇرىلىسى اياقتالماق. الەۋمەتتىك جوبالار, سونداي-اق, پەتروپاۆل قالاسىندا دا جۇزەگە اسىرىلۋدا.
«واوەك» اق اكتسيونەرلەرى «واەك» اق ەنشىلەس كومپانيالارىنىڭ تۇرىعىنداردى ەلەكتر جانە جىلۋ ەنەرگياسىمەن ۇزدىكسىز قامتۋ جانە قازاقستان وڭىرلەرىن دامىتۋ مىندەتىن ورىنداۋى ءۇشىن ينۆەستيتسيالىق جانە الەۋمەتتىك باعدارلامالارىن جۇزەگە اسىرۋ تۇرعىسىنداعى قىزمەتىنە جان-جاقتى قولداۋ كورسەتىپ كەلەدى.
ەلۆيرا سەرىكقىزى,
«ەqemen Qazaqstan»
الماتى