بۋداپەشتتىڭ Enjoy دامحاناسىنداعى روبوتتار ءبارىن جاساي الادى. ونىڭ قاتارىنا قوناقتارعا تاماقتار پەن سۋسىندار ۇسىنۋ, انەكدوتتار ايتىپ, بالالارمەن بيلەۋ نەمەسە جاي عانا كليەنتتەرمەن سويلەسۋ كىرەدى. بۇل تۋرالى Reuters جازدى.
ۆەنگريانىڭ استاناسىنداعى بۇل كافەنى E-Szoftverfejlesztő دەپ اتالاتىن IT كومپانياسى اشقان. كافە اۆتوماتتاندىرۋ جانە جاساندى ينتەللەكت سالاسىنداعى تەحنولوگيالىق رەۆوليۋتسيامەن قوعامدى تانىستىرۋعا كومەكتەسەتىن روبوتتار توبىمەن جابدىقتالعان.
روبوت-داياشىلار تۇتىنۋشىلارعا ازىق-ت ۇلىك پەن سۋسىنداردى جەتكىزۋ ءۇشىن ارنايى جابدىقتالعان جولدارمەن جۇرەدى. ادمينيستراتور قىزمەتىن اتقارۋشى Pepper روبوتى قوناقتارمەن اڭگىمەلەسىپ, كوڭىلدەرىن كوتەرىپ, سونداي-اق ولارمەن بي بيلەيدى.
«جاپوندىق Softbank كومپانياسى جاساعان, Pepper روبوتى شۋلى كافە جاعدايىندا كليەنتتەردى ەستۋ مۇمكىندىن ءالى دە دامىتۋ كەرەك دەدى», كافە يەسى تايبور چيزماديا.
ونلاين-پىكىرلەرگە قاراعاندا, Pepper روبوتىنىڭ شىعۋى كوپتەگەن ادامداردى تاڭقالدىرعان, سوندىقتان ولار باسقا روبوتتاردىڭ قولايسىز ارەكەتتەرىن كەشىرۋگە دايىن. اۆتوماتتاندىرۋ مەن جاساندى ينتەللەكتتەردىڭ كوبەيۋىنە, ولاردىڭ ادامداردىڭ جۇمىسىن تارتىپ الۋ قاۋپىنە قاراماستان بۋداپەشت كافەلەرى قىزمەتكەرلەرىن جۇمىستان بوساتا قويعان جوق.
«شىن مانىندە بىزدە بۇرىنعىعا قاراعاندا ەكى ەسە كوپ ادام جۇمىس ىستەيدى, ويتكەنى 20 شاقتى روبوتتى جۇمىس ىستەتۋ ءۇشىن تاڭعى 9-دان كەشكى 9-عا دەيىن بىزگە قوسىمشا IT ماماندار قاجەت» دەيدى تايبور چيزماديا.
اۋدارعان ءمادينا جالەلقىزى,
«Egemen Qazaqstan»